کویت اردو نیوز 21 فروری: ترکیہ کے جنوبی صوبے ہاتے میں 6.4 شدت کے زلزلے کے اثرات کے بعد ایک شامی خاتون نے حمل کے آٹھویں مہینے میں خوف کے باعث صحت خراب ہونے کی وجہ سے بچی کو جنم دیا ہے۔
تفصیلات کے مطابق بچی کو جنم دینی والی خاتون کے شوہر 28 سالہ حسن کیکونی نےانطاکیا ہاتے سینٹر کے شہر کے جینڈرمیری ٹیم سے مدد مانگی۔
حسن نےبتایا کہ اس کی بیوی 22 سالہ جولیا آٹھ ماہ کی حاملہ تھیں۔ شوہر نے اس کی مدد کرنے کو کہا۔ ترک خبر رساں ایجنسی کے مطابق خاتون کے ہاں بچی کی پیدائش کا یہ واقعہ اس کے زلزلے سے خوف کی وجہ سے قبل از وقت پیش آیا۔
شامی خاتون کو انطاکیہ کے ایک فیلڈ اسپتال منتقل کیا گیا جہاں اس نے اپنے لیے بنائے گئے خصوصی کمرے میں بچی کو جنم دیا جبکہ طبی عملے نے شیر خوار بچی کو انکیوبیٹر میں رکھا ہے اور ماں کو اضنا ریاست کے میڈیکل سٹی منتقل کر دیا۔ شوہر نے صحافیوں کو دیے گئے بیانات میں کہا کہ وہ اپنی اہلیہ کے ساتھ زلزلے کے جھٹکوں سے گھبراہٹ کی حالت میں گھر سے باہر نکل رہے تھے تو عمارت کی سیڑھیاں اترتے ہی اس کی طبیعت بگڑ گئی۔
A pregnant Syrian woman who fainted during the 6.4-magnitude earthquake centered in Hatay's Defne district gave birth to a baby girl in the field hospital where she was taken by gendarmerie teams
🔴LIVE updates here: https://t.co/rjJzOvo2mE pic.twitter.com/qBrv502ZkS
— Anadolu English (@anadoluagency) February 21, 2023
اس نے کہا کہ جب وہ عمارت سے باہر نکلے تو اس نے ترکیہ کے جینڈرمیری کی ایک کار دیکھی اور اس کے اراکین سے مدد مانگی۔ قابل ذکر ہے کہ ترکیہ میں زلزلے کے تازہ جھٹکے کے دوران مزید چھ افراد جاں بحق اور 294 زخمی ہوئے ہیں۔ زخمیوں میں سے 18 کی حالت تشویشناک بتائی جاتی ہے۔
