کویت اردو نیوز 07 اگست: کویت کی وزارت داخلہ نے غیر ملکیوں کی ملکیت میں آنے والی 87,140 گاڑیوں کی فہرست جاری کی جن کے اقامے یا تو منسوخ کئے جا چکے ہیں یا وہ فوت ہوچکے ہیں۔
سیکورٹی میڈیا ڈیپارٹمنٹ نے ان تمام لوگوں کو یاددہانی کرائی ہے جو ایسے افراد کی گاڑی استعمال کر رہے ہیں جن کے اقامے منسوخ ہو چکے ہیں یا ان کا انتقال ہو چکا ہے اور کہا کہ وہ سرکاری حکام کی طرف سے دستاویز کردہ ایک سرکاری پاور آف اٹارنی کے ذریعے گاڑی کی ملکیت منتقل کرنے، اسے منسوخ کرنے یا تجدید کے لیے جلد از جلد جنرل ٹریفک ڈیپارٹمنٹ کا دورہ کریں۔
اگر یہ طریقہ کار اختیار نہیں کیا جاتا ہے تو اس صورت میں خلاف ورزی نوٹ کی جائے گی اور گاڑی کو ٹریفک قانون کے آرٹیکل (207) کے مطابق ضبط کیا جائے گا، جس میں کہا گیا ہے کہ کسی بھی قسم کی موٹر گاڑی یا کار کو ضبط کیا جا سکتا ہے اگر یہ ڈرائیور کے پاس ڈرائیونگ لائسنس نہ ہونے یا درست انشورنس کے بغیر سڑک پر چلاتے ہوئے پکڑا جاتا ہے جبکہ انتظامیہ اسے قانونی طریقہ کار کے مطابق عوامی نیلامی میں فروخت بھی کر سکتی ہے۔
