کویت اردو نیوز،2ستمبر: کراچی کے جناح انٹرنیشنل ایئرپورٹ پر تین مسافروں میں مونکی پوکس کی تشخیص ہوگئی۔
کراچی کے جناح انٹرنیشنل ایئرپورٹ پر محکمہ صحت سندھ کی سرویلنس ٹیم نے کارروائی کی جس کے دوران لیبیا سے کراچی آنے والے تین مسافروں میں مونکی پوکس کی تشخیص ہوئی۔
ڈائریکٹر جنرل ہیلتھ نے میڈیا کو بتایا کہ تینوں مسافر پاکستانی شہری تھے جن کی عمریں 30 سے 45 سال کے درمیان تھیں۔ مسافروں کو متعدی امراض کے ہسپتال میں داخل کرایا گیا ہے۔
پاکستان کے نیشنل انسٹی ٹیوٹ آف ہیلتھ (این آئی ایچ) نے اس مہینے کے شروع میں پاکستان میں مونکی پوکس وائرس کے ایک کیس کی تصدیق کی تھی۔
این آئی ایچ حکام نے بتایا کہ جس شخص میں مونکی پوکس وائرس کی تشخیص ہوئی ہے وہ راولپنڈی کے اسپتال میں زیر علاج ہے۔
این آئی ایچ منکی پاکس کے پھیلاؤ کے حوالے سے تحقیقات کر رہا ہے تاہم وائرس کے پھیلنے کا کوئی امکان نہیں ہے۔
