کویت اردو نیوز،21ستمبر: سعودیہ میں مقیم نواحی گاؤں 14جیڈی، اوکاڑہ کے رہائشی ایک ہی خاندان کے دو سگے بھائیوں اور دو کزنوں سمیت 4افراد ٹائر بلاسٹ ہونے سے روڈ ایکسیڈنٹ میں جاں بحق ہو گئے۔
گاڑی کا ٹائر بلاسٹ ہوتے ہی پیچھے سے تیز رفتار ٹرک گاڑی پہ چڑھ گیا ۔
خاندانی زرائع کیمطابق طارق اور شکور نامی دو سگے بھائی اور رمضان اور اسد نامی نوجوان انکے کزن تھے، جبکہ کار میں نواز نامی ایک اور نوجوان بھی تھا جو شدید زخمی ہوا ہے۔
خاندانی زرایع کے مطابق 5 پانچوں نوجوان عمرہ پہ جانے کے لئے فنگر پرنٹس کروانے ریاض جا رہے تھے کہ حادثے کا شکار ہو گئے ۔ ذرائع کے مطابق نواز نامی نوجوان شدید زخمی ہے اور تشویشناک حالت میں ریاض ہسپتال منتقل ہے ۔
پانچوں نوجوان محنت مزدوری کے لئے سعودیہ میں مقیم تھے۔ ایک ہی خاندان کے 4افراد جان بحق ہونے پر پورے گاؤں میں سوگ کا سماں ہوگیا
جاں بحق افراد کے لواحقین نے حکومت پاکستان سے اپنے جاں بحق ہونے والے افراد کی نعشوں کو پاکستان جلد از جلد منتقل کروانے کا مطالبہ کیا ہے۔
