حماس اور اسرائیل جنگ؛ قطر میدان میں آ گیا

کویت اردو نیوز ، 9 اکتوبر 2023: خبر رساں ایجنسی "رائٹرز” کا کہنا ہے کہ قطر اسرائیلی جیلوں سے 36 فلسطینی خواتین اور بچوں کی رہائی کے بدلے قیداسرائیلی خواتین اور بچوں کی رہائی کیلے حماس کےساتھ بات چیت کررہاہے۔

ذرائع نے ایجنسی کو بتایا کہ "مذاکرات مثبت طور پر آگے بڑھ رہے ہیں” لیکن ابھی تک کوئی پیش رفت نہیں ہوئی ہے۔

دوسری جانب چینی خبر رساں ایجنسی ژنہوا نے کہا کہ حماس نے قطر کو مطلع کیا ہے کہ اسے قابض اسرائیلی حکومت کے ساتھ قیدیوں کے تبادلے کے معاہدے پر اعتراض نہیں ہے جس میں تمام فلسطینی خواتین قیدیوں کی رہائی بھی شامل ہے۔

ژنہوا نے یہ بھی کہا کہ قطر حماس اور اسرائیل کے درمیان قیدیوں کے فوری تبادلے میں ثالثی کر رہا ہے۔