کویت اردو نیوز ، 28 اکتوبر 2023: سعودی محکمہ پبلک سیکیورٹی نے خبردار کیا ہے کہ ‘سوشل میڈیا استعمال کرنے والے دھوکہ بازوں سے ہوشیار رہیں۔ وہ ‘سوشل انجینئرنگ’ کے ذریعے لوگوں کو پھنسانے کی کوشش کر رہے ہیں۔
محکمہ امن عامہ نے ایک بیان میں کہا کہ ‘مالی امداد اور عطیات جمع کرنے کے لیے مشکوک اپیلیں کی جا رہی ہیں۔ کوئی شہری یا رہائشی اجنبی ایسی اپیلوں کو قبول نہیں کرے گا۔ یہ بھی دھوکہ دہی کا ایک طریقہ ہے۔
دھوکہ دہی کرنے والے سرکاری اداروں اور بینکوں کے لوگو کا استعمال کرتے ہوئے لوگوں کو اپنے ویب پر آمادہ کر کے ساکھ حاصل کرتے ہیں۔ جعلساز نت نئے طریقے اپنا رہے ہیں۔
محکمہ امن عامہ نے حیرت کا اظہار کیا کہ "کچھ لوگ دھوکہ دہی کا شکار ہیں اور انتباہ کے باوجود انہیں نجی معلومات فراہم کر رہے ہیں”۔
سائبر سیکیورٹی کے ماہر محمد الساری کا کہنا تھا کہ "مقامی شہری اور رہائشی غیر ملکی دھوکہ بازوں کے انداز کو سمجھنے لگے ہیں اور وہ انٹرنیٹ، موبائل سیٹ اور لیپ ٹاپ وغیرہ پر وائبر سیکیورٹی کا اہتمام کر رہے ہیں۔”
انہوں نےمزیدکہاہےکہ "دھوکہ بازوں نےسوشل انجینئرنگ کاراستہ اختیارکرلیاہے کیونکہ انسانی نفسیات کافائدہ اٹھاکر دھوکہ دیناانتہائی آسان ہے”۔
دھوکہ بازوں سے بچنے کا ایک اہم طریقہ یہ ہے کہ ایسے رابطوں سے کسی بھی پوچھ گچھ کا جواب نہ دیں۔ ذاتی معلومات کے لیے رابطہ ٹیلی فون اور کبھی ای میل کے ذریعے کیا جاتا ہے۔ نامعلوم ذرائع سے بھیجی گئی کوئی بھی ای میل نہ کھولیں۔
سعودی بینکوں میں آگاہی کمیٹی نے کھاتہ داروں کو خبردار کیا کہ وہ بینکوں کے لوگو کے ذریعے موصول ہونے والے پیغامات کے دھوکے میں نہ آئیں، یہ انسانی نفسیات سے کھیلنے کا ایک طریقہ ہے۔
