کویت اردو نیوز، 1 نومبر 2023 : ایپل نے M3 چپس متعارف کرانے کے ساتھ MacBook Pro کی قیمتوں میں کمی کردی ہے۔ ایپل نے نئے M3 چپس، ڈیسک ٹاپ کمپیوٹر اور لیپ ٹاپ متعارف کرائے ہیں۔ ایپل کی جانب سے ایک آن لائن ایونٹ کے دوران میک کمپیوٹر ڈیوائسز اور چپس پیش کی گئیں۔ M3، M3 Pro اور M3 Max اس کمپنی کی سب سے طاقتور چپس ہیں۔ اس کے علاوہ ایس ڈی کارڈ اور ایچ ڈی ایم آئی سلاٹس میں بھی قدرے تبدیلی کی گئی ہے۔
ایپل کے مطابق یہ پہلی پرسنل کمپیوٹر چپس ہیں جو سی پی یو کو تیز اور طاقتور بناتی ہیں۔ اسی طرح یہ چپس آلات کی یادداشت کو زیادہ موثر بناتی ہیں۔ ایونٹ کے دوران ایپل نے 24 انچ کا نیا iMac کمپیوٹر بھی متعارف کرایا۔ . اس کمپیوٹر میں ایم تھری چپ استعمال کی گئی ہے اور کمپنی کے مطابق نئی چپ نے کمپیوٹر کو دوگنا تیز کر دیا ہے۔
اس کمپیوٹر میں Wi-Fi 6S ڈیوائس سپورٹ اور ایک ویب کیم بھی ہے۔ iMac میں 24 جی بی تک ریم ہے جبکہ یہ کمپیوٹر 7 مختلف رنگوں میں دستیاب ہوگا۔ میک بک پرو کی قیمت میں سات فیصد کمی کی گئی ہے۔ ایپل نے اپنے انٹری لیول 14 انچ میک بک پرو کی قیمت بھی کم کر دی ہے۔
