کویت اردو نیوز : (پاکستان) ڈوگر بستی میں مہندی کی تقریب میں دو بھائیوں کے قتل کی فوٹیج سامنے آگئی، ملزمان نے فیصل اور سہیل کو گولیاں مار کر قتل کیا۔
3 نومبر کو فیصل آباد کے علاقے ڈوگر بستی میں مہندی کی تقریب میں 2 بھائیوں کو قتل کردیا گیا تھا جس کی سی سی ٹی وی فوٹیج سامنے آگئی ہے۔
پولیس کے مطابق مقتولوں کی بہن کی مہندی کی تقریب تھی، گلی میں خیمہ لگانے پر جھگڑا ہوا، اس دوران ملزمان نے فائرنگ کرکے فیصل اور سہیل کو قتل کردیا۔
واقعے کا مقدمہ 5 ملزمان کے خلاف پیپلز کالونی تھانے میں درج کر لیا گیاہے تاہم تاحال کسی ملزم کو گرفتار نہیں کیا جا سکا۔
