کویت اردو نیوز : میٹا کی ملکیت والی میسجنگ ایپ نے بڑے واٹس ایپ گروپس کے لیے ایک نیا وائس چیٹ فیچر متعارف کرایا ہے۔ اس نئے فیچر کا اعلان کمپنی نے کیا ہے۔ کمپنی کے مطابق یہ نیا فیچر گروپ کالز کو زیادہ صارف دوست بنائے گا۔
اس فیچر کے تحت واٹس ایپ گروپس میں 33 یا اس سے زائد افراد سمیت وائس چیٹ کی جاسکتی ہے اور کال کرنے پر کسی شخص کے فون پر کوئی رنگ ٹون نہیں بجائی جائے گی۔
درحقیقت یہ وائس چیٹس خاموشی سے شروع ہوں گے اور گروپ میں ایک چیٹ ببل نظر آئے گا جس پر کلک کرکے آپ وائس چیٹ میں شامل ہوسکتے ہیں۔
صوتی چیٹ کے دوران، آپ گروپ ممبران کو ٹیکسٹ پیغامات بھی بھیج سکیں گے جو کال کا حصہ نہیں ہوں گے۔ اس فیچر کے تحت گروپ چیٹ پر ایک نیا وائس ویوفارم آئیکن نمودار ہوگا۔
اس آئیکون پر کلک کرنےکےبعد خود بخود وائس چیٹ شروع ہو جائے گی جس کیلیے ایک مخصوص انٹرفیس مختص کیا جائے گا۔
یہ نیا فیچر آنے والے ہفتوں میں صارفین کے لیے دستیاب ہوگا اور کمپنی کے مطابق وائس چیٹ کو اینڈ ٹو اینڈ انکرپشن کے ذریعے محفوظ کیا جائے گا۔
اگر کوئی صوتی چیٹ میں شامل نہیں ہوتا ہے، تو سیشن 60 منٹ کے بعد خود بخود ختم ہو جائے گا۔ ایک خاص بات یہ ہے کہ اس فیچر کے تحت ایک گروپ میں 128 افراد کال کا حصہ بن سکتے ہیں۔
واٹس ایپ کی جانب سے اس کا باضابطہ اعلان تو نہیں کیا گیا ہے لیکن اسکے ہیلپ سینٹر سپورٹ ویب سائٹ میں اس بات کا اشارہ دیا گیا ہے۔
کمپنی کے مطابق یہ فیچر موبائل ایپ کے لیے متعارف کرایا گیا ہے اور یہ صرف پرائمری ڈیوائس پر دستیاب ہوگا۔
اس سے قبل کمپنی نے گزشتہ چند مہینوں میں کئی نئے فیچرز متعارف کروائے ہیں۔ ان میں سے ایک فیچر ایک ڈیوائس میں 2 اکاؤنٹس کا استعمال کرنا ہے جبکہ اینڈرائیڈ صارفین کیلیے پاس کیزسپورٹ بھی متعارف کرائی گئی ہیں۔