کویت اردو نیوز : ورلڈ کپ فائنل میچ کے دوران میدان میں گھسنے والے فلسطینی حامی نوجوان کو گرفتار کر لیا گیا۔
اتوار (19 نومبر) کو بھارت اور آسٹریلیا کے درمیان آئی سی سی کرکٹ ورلڈ کپ 2023 کے فائنل میچ میں، ایک نوجوان فلسطینی حامی میدان میں آ نکلا، اور اس کو سیکیورٹی پکڑ کر باہر لے گئی ۔
احمد آباد کے نریندر مودی اسٹیڈیم میں میدان میں دھاوا بولنے والے نوجوان کا تعلق آسٹریلیا سے ہے، اس نے ٹی شرٹ پہنی ہوئی ہے جس پر فلسطین کے حق میں نعرے درج ہیں۔
یہ واقعہ 14ویں اوور کے دوران سامنے آیا، جب نوجوان حفاظتی باڑ سے بچ کر میدان میں داخل ہوا۔ اس کی ٹی شرٹ پر "فلسطین پر بمباری بند کرو” اور پچھلےحصےپر "فلسطین کوآزادکرو” کاپیغام تھا۔
اس شخص نے "LGBTQ” کے الفاظ کے ساتھ ہم جنس پرستوں کا جھنڈا بھی اٹھایا ہوا تھا اور اس کے ماسک پر فلسطینی جھنڈا بھی تھا۔
اس نے سفید ٹی شرٹ کے ساتھ سرخ شارٹس پہن رکھی تھی، جس پر فلسطین کے حق میں نعرے درج تھے۔
سخت حفاظتی اقدامات کے باوجود نوجوان نے کامیابی سے پچ پر پہنچ کر ویرات کوہلی کو گلے لگایا۔
نریندر مودی کرکٹ اسٹیڈیم احمد آباد کے گراؤنڈ اسٹاف نے نوجوان کو فوری طور پر میدان سے باہر نکالا اور بعد میں اسے گرفتار کرلیا گیا۔
گرفتاری کے بعد اس شخص نے بتایا کہ اس کا نام جان ہے اور وہ آسٹریلیا کا رہنے والا ہے۔ انہیں سٹیڈیم سے احمد آباد کے چاند کھیڑا تھانے لے جایا گیا۔
نوجوان نےکہاکہ وہ اس لیےمیدان میں آیاکیوں کہ وہ ویرات کوہلی سے ملناچاہتاتھا، اور ٹی شرٹ اس لیےپہنی کیوں کہ وہ فلسطین کی حمایت کرتاہے۔
گرفتاری کے بعد وہ پیلے رنگ کی ٹی شرٹ میں نظر آیا۔
