کویت اردو نیوز : ارب پتی بل گیٹس برسلز کے ‘سیوریج سسٹم’ کی پوشیدہ تاریخ اور گندے پانی کے عالمی صحت کے مضمرات کا جائزہ لینے کے لیے ورلڈ ٹوائلٹ ڈے پر گٹر میں اترے۔
حال ہی میں سوشل میڈیا پر ایک ویڈیو وائرل ہوئی ہے جس میں بل گیٹس گٹر میں اترتے ہوئے نظر آ رہے ہیں۔
اس ویڈیو کو دیکھنے کے بعد ہر کسی کے ذہن میں یہ سوال آ رہا ہے کہ بل گیٹس گٹر میں کیوں اترے؟
بل گیٹس نے برسلز کے گٹروں میں اترنے کے بارے میں کہا کہ ’’انھوں نے اس جگہ کی تاریخ سب کے سامنے لانے کے لیے ایسا کیا ہے‘‘۔
وہ برسلز میں ‘زیر زمین سیوریج سسٹم’ میں داخل ہوئے اور وہاں کام کرنے والے لوگوں سے اس کی تاریخ کے بارے میں بات کی۔
بل گیٹس نے اس پورے واقعے کی ویڈیو اپنے انسٹاگرام اکاؤنٹ پر شیئر کی اور کیپشن میں لکھا کہ وہ ورلڈ ٹوائلٹ ڈے کے موقع پر برسلز کے سیوریج سسٹم کی تاریخ جاننے کے لیے آئے ہیں۔
گیٹس نےمزید کہاکہ "انہوں نےعالمی صحت میں پانی کےبہترین کردار کوجاننےکی کوشش کی ہے۔”
گٹروں کے اندر بل گیٹس نے وہاں کے ماہرین سے بات کی، جس میں انہوں نے شہر کے پانی کے کنویں کے نظام کے بارے میں بھی معلومات حاصل کیں۔
سیوریج اور ٹریٹمنٹ پلانٹس کا 200 میٹر لمبا نیٹ ورک ہے جہاں پورے شہر کا فضلہ پروسیس کیا جاتا ہے۔
انہوں نے وہاں کے پلانٹ کے نظام کے بارے میں کہا کہ یہ بہت پرانا نظام ہے اور اس سے لوگوں کو بہت فائدہ ہوا ہے۔
1800 میں شہر میں سیوریج کا پانی سیدھا دریا میں چھوڑا جاتا تھا جس سے کئی بیماریاں پھیلتی تھیں۔
اس طرح کے مسائل کو روکنے کے لیے برسلز میں شہر کے مرکز سے گٹروں کا جال بچھایا گیا۔
