کویت اردو نیوز : مصر میں ایک قدیم مقبرہ دریافت ہوا ہے جس کے بارے میں خیال کیا جاتا ہے کہ یہ 4500 سال پرانا ہے۔
مصر اور جاپان کے ماہرین آثار قدیمہ نے سقارہ کے علاقے میں مقبرہ دریافت کیا جس میں متعدد نمونے بھی موجود تھے۔
اس مقبرے کی دریافت کی تصدیق مصری وزارت سیاحت نے کی ہے۔
مصری وزارت سیاحت کے مطابق مصری اور جاپانی ماہرین کی ایک ٹیم نے مصر کی دوسری مملکت سے تعلق رکھنے والا ایک چٹانی مقبرہ دریافت کیا ہے جس میں متعدد تاریخی نمونے اور مقبرے موجود ہیں۔
اس مقام سے ایک قبر سے انسانی باقیات کے ساتھ رنگین ماسک ملا ہے جبکہ دوسری قبر ایک چھوٹے بچے کی ہے۔
ماہرین کا اندازہ ہے کہ یہ مقبرہ 2649 سے 2150 قبل مسیح کے درمیان بنایا گیا تھا۔
وہاں سے ملنے والے نوادرات میں مصر کے 18ویں خاندان (1550-1295 قبل مسیح) سے تعلق رکھنے والا ایک تابوت بھی شامل ہے۔
قدیم مصری دیوتاؤں کے 2 مجسمے اور دیگر نوادرات بھی وہاں سے ملے ہیں۔
جاپانی ماہرین کا کہنا ہے کہ اس دریافت سے خطے کی تاریخ سے متعلق اہم تفصیلات جاننے کا موقع ملے گا۔