کویت اردو نیوز : آرمی چیف جنرل عاصم منیر نے کہا ہے کہ امام کعبہ کا دورہ پاکستان پاکستانی عوام کے لیے اعزاز کی بات ہے۔
پاک فوج کے شعبہ تعلقات عامہ (آئی ایس پی آر) نے آرمی چیف جنرل عاصم منیر سے جنرل ہیڈ کوارٹرز (جی ایچ کیو) میں امام کعبہ شیخ صالح بن عبداللہ سے ملاقات کی۔ ملاقات میں باہمی دل چسپی کے اہم امور پرتبادلہ خیال بھی کیا گیا۔
پاکستان کے آرمی چیف جنرل سید عاصم منیر نے امام کعبہ کا دورہ پاکستان پر استقبال کیا۔
ملاقات میں امام کعبہ نےکہا ہےکہ اسلام امن اور بھائی چارے کادین ہے اور اسلام کی غلط تشریحات کی کسی قسم کی کوئی گنجائش نہیں ہے۔
آئی ایس پی آر کے مطابق اجلاس میں غزہ میں جاری مظالم، مسلمانوں پر ظلم کی مذمت اور فلسطین اور مقبوضہ جموں و کشمیر کے عوام سے اظہار یکجہتی کیا گیا۔
اس موقع پر آرمی چیف کا کہنا تھا کہ امام کعبہ کا دورہ پاکستان پاکستانی عوام کے لیے اعزاز کی بات ہے، پاکستانیوں کی سعودی عرب سے گہری عقیدت ہے، دونوں برادر ممالک کے درمیان اسٹریٹجک تعلقات ہیں۔
پاک فوج کے سربراہ نے کہا کہ دنیا بھر میں بسنے والے مسلمان حرم شریف سے بے پناہ عقیدت رکھتے ہیں اور اس کے متولیوں کا احترام کرتے ہیں۔
آئی ایس پی آر کے مطابق ملاقات کے اختتام پر امام کعبہ نے امت مسلمہ کے امن، استحکام اور اتحاد کے لیے دعا کی۔