کویت اردو نیوز : واٹس ایپ میں ایک دلچسپ اور بہترین ٹرک شامل کی گئی ہے۔
میٹا کی ملکیت والی میسجنگ ایپ اب صارفین کو اپنی تصاویر کو ڈیجیٹل اواتار میں تبدیل کرنے کی اجازت دے گی۔
نوٹ کریں کہ واٹس ایپ اواتار کا فیچر دسمبر 2022 میں متعارف کرایا گیا تھا اور اب اس میں پہلے سے زیادہ بہتری لائی گئی ہے۔
نئی اپ ڈیٹ کے بعد صارفین کو اپنا اواتار بنانے کے لیے زیادہ محنت نہیں کرنی پڑے گی بلکہ سیلفی کو کارٹون ڈرائنگ میں بدلنا ممکن ہو گا۔
ابھی ڈیجیٹل اواتار خود بنانا ہوتاہے ، کپڑے، سکن ٹون، پرسنالٹی اسٹائل سمیت دیگر چیزوں کا جائزہ لینا ہوتا ہے لیکن اب اپ ڈیٹ کے تحت آپ کو صرف ایک سیلفی اپ لوڈ کرنا ہے جس کے بعد واٹس ایپ ایک مکمل اوذتار بنا کر آپ کے حوالے کر دے گا۔
اس کے بعد اگر آپ چاہیں تو کپڑے یا دیگر چیزیں تبدیل کر سکتے ہیں۔
جب کوئی فرد نیا اواتار بناتا ہے، تو انہیں کمپنی کی نئی پرائیویسی پالیسی کو پڑھنے کا بھی مشورہ دیا جاتا ہے، تاکہ وہ جان سکیں کہ تصویر کو اواتار میں تبدیل کرنے کے لیے ان کی ذاتی تفصیلات کو کس حد تک استعمال کیا گیا ہے۔
اس نئے فیچر کا رول آؤٹ شروع ہوچکا ہے اور آنے والے دنوں میں تمام صارفین کے لیے دستیاب ہوگا۔
واٹس ایپ کے مطابق ایک سال میں ایک ارب سے زیادہ اواتار بنائے گئے ہیں۔
