کویت اردو نیوز : ڈپریشن اور بے چینی وہ بیماریاں ہیں جو موجودہ دور میں ہر عمر کے لوگوں کو متاثر کر رہی ہیں۔
ڈپریشن یا اضطراب میں مبتلا افراد ذہنی اور جسمانی دونوں طرح کے مسائل کا سامنا کرتے ہیں۔
لیکن انتہائی اچھی خبر یہ ہےکہ روزانہ کی بنیادپردہی کھانےکی عادت آپکو ڈپریشن اور پریشانی سےبچاسکتی ہے۔
یہ بات امریکا میں ہونے والی ایک طبی تحقیق میں سامنے آئی ہے۔
یونیورسٹی آف ورجینیا سکول آف میڈیسن کی تحقیق سے پتا چلا ہے کہ دہی اور خمیر شدہ کھانوں کا استعمال دماغی امراض سے بچا سکتا ہے۔
تحقیق کے مطابق دہی میں موجود صحت بخش بیکٹیریا جسم کو ذہنی تناؤ پر قابو پانے میں مدد دیتے ہیں جو کہ ڈپریشن اور پریشانی جیسے دماغی امراض کو روکنے میں مدد دیتے ہیں۔
چوہوں پر اس سے پہلے کی تحقیقی رپورٹس میں یہ بھی پتہ چلا تھا کہ دہی میں موجود بیکٹیریا ڈپریشن کو ریورس کرنے میں مدد کرتے ہیں۔
اس بات کو ذہن میں رکھتے ہوئے اس نئی تحقیق میں دہی یا خمیر شدہ کھانوں میں موجود مختلف قسم کے بیکٹیریا کے اثرات کا جائزہ لیا گیا۔
یہ تجربات چوہوں پر کیے گئے اور نتائج سے معلوم ہوا کہ معدے میں مخصوص بیکٹیریا کی تعداد میں اضافہ دماغی امراض سے بچاتا ہے۔
محققین کے مطابق، تحقیق سے معدے میں موجود بیکٹیریا اور ڈپریشن یا پریشانی جیسی بیماریوں کے خلاف مدافعتی نظام کے تحفظ کے درمیان تعلق کو ظاہر کرتی ہے۔
انہوں نے کہا کہ صحت بخش خوراک کا استعمال دماغی صحت پر مثبت اثرات مرتب کرتا ہے۔
لیکن دہی میں موجود بیکٹیریا Lactobacillus اس حوالے سے اہم کردار ادا کرتا ہے کیونکہ یہ تناؤ، ڈپریشن اور پریشانی کو کنٹرول کرنے میں مدد کرتا ہے۔
