کویت اردو نیوز : ایران کے سرکاری ٹی وی کے مطابق جنوبی شہر کرمان میں مقتول جنرل قاسم سلیمانی کی قبر کے قریب دو دھماکے ہوئے۔
یہ دھماکے 2020 میں بغداد میں امریکی ڈرون حملے میں ہلاک ہونے والے جنرل قاسم سلیمانی کی یاد میں منعقدہ تقریب کے دوران ہوئے۔
ایران کے سرکاری ٹیلی ویژن نے اطلاع دی ہے کہ جنوب مشرقی شہر کرمان میں ایک تقریب کے دوران پہلے اور پھر دوسرے دھماکے میں کم از کم 80 افراد ہلاک ہو گئے۔
نیم سرکاری نورنیوز کے مطابق، "قبرستان کی طرف جانے والی سڑک پر کئی گیس سلنڈر پھٹ گئے۔”
ایران کے سرکاری میڈیا نےایک مقامی اہلکار کے حوالے سے یہ بتایا ہےکہ "یہ ابھی تک واضح نہیں ہوسکا کہ دھماکے گیس سلنڈر کیوجہ سے ہوئےیا دہشت گردانہ حملہ میں”۔
سرکاری ٹی وی نے ہلال احمر کے امدادی کارکنوں کو تقریب میں زخمی افراد کو طبی امداد دیتے ہوئے دکھایا۔
تقریب میں جنرل سلیمانی کی برسی کے موقع پر سینکڑوں شہری جمع تھے۔ بعض ایرانی خبر رساں اداروں کے مطابق کم از کم 80 افراد زخمی بھی ہوئے ہیں۔
کرمان صوبے میں ہلال احمر کے سربراہ رضا فلاح نے سرکاری ٹی وی کو بتایا، "ہماری ریپڈ ریسپانس ٹیمیں زخمیوں کو نکال رہی ہیں، لیکن ہجوم کی وجہ سے سڑکیں بند ہیں۔”