کویت اردو نیوز : روئی المدینہ ہولڈنگ کمپنی نے مدینہ منورہ میں ‘اسلامی تہذیبی گاؤں’ قائم کرنے کے عزم کا اظہار کیا ہے۔
یہ دنیا بھر سے آنے والے زائرین کے لیے مدینہ منورہ کا ایک پرکشش اور منفرد اسلامی محاذ ہو گا جو ایک مثال ہو گا اور مسجد نبویؐ کے قریب ہو گا۔
سعودی خبر رساں ایجنسی ایس پی اے کے مطابق اسلامی تہذیبی گاؤں میں 8 مختلف مقامات کو متعارف کرایا جائے گا۔
ان میں جزیرہ نما عرب، وسطی عرب، جنوبی ایشیا کا اسلامی خطہ، مغربی عرب، مشرقی ایشیائی ممالک کا خطہ، شاہراہ ریشم، اندلس اور افریقہ شامل ہوں گے۔ اس کے علاوہ اسلام کے گڑھ اور اسلامی تاریخ کے مرکز کے طور پر سعودی عرب کی تاریخ پر بھی روشنی ڈالی جائے گی۔
اسلامی تہذیبی گاؤں بھی مختلف قسم کے تجارتی مراکز پر مشتمل ہوگا۔ ریٹیل میں سامان فروخت کرنے والی دکانیں بھی یہاں کھولی جائیں گی۔ اس کا رقبہ 11 ہزار مربع میٹر سے زیادہ ہوگا۔
گاؤں میں منفرد ڈیزائن اور اچھوتی ثقافت کی نمائندگی کرنے والے ریستوراں اور کیفے بھی کھولے جائیں گے۔ ان کا رقبہ گیارہ ہزار مربع میٹر سے زیادہ ہوگا۔
اسی طرح 12.8 ہزار مربع میٹر پر تفریحی علاقہ ہوگا جہاں ہرے بھرے میدان ہوں گے اور مختلف قسم کے پروگرام منعقد کیے جائیں گے۔
اسلامی تہذیبی گاؤں 257,000 مربع میٹر سے زیادہ کے بڑے رقبے پر قائم کیا جائے گا۔
یہ مدینہ کی تاریخی حیثیت کی عکاسی کرے گا۔ گاؤں مسجد نبویؐ کے قریب بنایا جائے گا۔
مدینہ آنے والے زائرین اپنے قیام کے دوران قریہ جا کر ثقافتی اور تعلیمی تجربہ حاصل کر سکیں گے۔ ان میں ضیافت کی منفرد سہولیات ہوں گی جبکہ اسلامی دنیا کی تاریخ کے مختلف پہلوؤں کو اجاگر کرنے والے تاریخی حصے ہوں گے۔
ہولڈنگ کمپنی کے سی ای او احمد بن وصال الجندانی نے کہا کہ یہ گاؤں ثقافتی اور تعلیمی مرکز کے طور پر کام کرے گا۔
