کویت اردو نیوز : برازیل کے سابق فٹبالر رونالڈو کو آپ کافی عرصے سے جانتے ہیں، یہی حال بھارتی کرکٹر ویرات کوہلی کا بھی ہے لیکن رونالڈو اسٹار کرکٹر اور سابق کپتان کوہلی کے وجود سے لاعلم نکلے۔
سماجی رابطے کی ویب سائٹ ایکس پر ایک مقبول یوٹیوبر کی ایک ویڈیو وائرل ہوئی ہے جس میں وہ رونالڈو سے کوہلی کے بارے میں سوال کر رہے ہیں۔
سپیڈ نے رونالڈو سے پوچھا کیا آپ ویرات کوہلی کو جانتے ہیں؟ فٹبالر نے پوچھا کون؟ یوٹیوبر کو بتایا گیا کہ وہ ہندوستان کے ویرات کوہلی کے بارے میں بات کر رہے ہیں، تاہم سابق برازیلین رونالڈو کا جواب نفی میں تھا۔
یوٹیوبر اسپیڈ رونالڈو کے جواب سے حیران رہ گئے کیونکہ وہ جدید کرکٹ کے بہترین بلے باز ہونے کے علاوہ 265 ملین فالوورز کے ساتھ دنیا کے چوتھے سب سے زیادہ فالو کیے جانے والے کھلاڑی ہیں۔
پھر سپیڈ نے دوبارہ پوچھا کہ کوہلی کرکٹر ہیں، آپ انہیں نہیں جانتے؟ جس پر رونالڈو نے جواب دیا کہ وہ یہاں زیادہ مقبول نہیں ہیں۔
تاہم جب کوہلی کی تصویر دکھائی گئی تو رونالڈو نے کوہلی کو پہچاننے میں دیر نہیں لگائی اور کہا ‘ہاں، ہاں’۔
ویرات کوہلی کو جنوبی افریقہ کے خلاف سخت بیٹنگ کنڈیشنز میں عمدہ کارکردگی کے بعد جمعرات سے موہالی میں شروع ہونے والی افغانستان کے خلاف تین میچوں کی سیریز کے لیے ہندوستان کی T20I سکواڈ میں شامل کیا گیا ہے۔
کوہلی نے آسٹریلیا میں 2022 کے ورلڈ کپ کے بعد سے کوئی ٹی ٹوئنٹی میچ نہیں کھیلا ہے، لیکن سلیکٹرز کا انہیں اور کپتان روہت شرما کو دوبارہ ٹیم میں لانے کا فیصلہ اس بات کی تصدیق کرتا ہے کہ دونوں اس سال جون میں ٹی ٹوئنٹی میں کھیلیں گے۔ ورلڈ کپ میں شرکت کریں گے جس کی میزبانی امریکا اور ویسٹ انڈیزمشترکہ طورپرکریں گے۔
ہیڈ کوچ راہول ڈریوڈ نے سیریز کے افتتاحی میچ سے قبل تصدیق کی تھی کہ کوہلی ذاتی وجوہات کی بنا پر پہلے ٹی ٹوئنٹی کے لیے دستیاب نہیں ہوں گے۔
