کویت اردو نیوز : گوگل نے اینڈرائیڈ فونز میں تلاش کے لیے ایک نیا فیچر سرکل ٹو سرچ متعارف کرایا ہے۔ اس فیچر کے ذریعے صارفین اپنے فون میں کہیں بھی دائرہ بنا کر یا اسے ہائی لائٹ کر کے سرچ کر سکیں گے۔
یہ فیچر صرف اینڈرائیڈ فونز کے لیے متعارف کرایا جائے گا۔ مصنوعی ذہانت (AI) ٹیکنالوجی سے لیس یہ فیچر ابتدائی طور پر چند فونز میں دستیاب ہوگا۔ اس فیچر کے صارفین کو الگ سے ایپس کھولنے کی ضرورت نہیں ہوگی۔
کمپنی کے مطابق اس فیچر سے ویڈیوز، تصاویر، کسی ایپ یا میسجنگ کے دوران کسی بھی سوال کا جواب جاننا ممکن ہوگا۔ مثال کے طور پر اگر آپ کسی ویڈیو میں نظر آنے والی کسی چیز کے بارے میں جاننا چاہتے ہیں تو اس کے گرد دائرہ بنا کر اس کی تفصیلات جاننا ممکن ہو گا۔
یہ فیچر کافی حد تک گوگل لینز سے ملتا جلتا ہے، لیکن آپ کو سرکل ٹو سرچ استعمال کرنے کے لیے گوگل ایپ کھولنے کی ضرورت نہیں ہوگی۔
بس تھوڑی دیر کے لیے ہوم بٹن کو دبائے رکھنے سے یہ فیچر فعال ہو جائے گا۔ سرچ کرنے کے لیے دائرے کے ساتھ ملٹی سرچ فیچر گوگل لینس میں بھی شامل کیا جا رہا ہے۔ گوگل لینس میں ملٹی سرچ فیچر تصویر کی تلاش میں مدد کرے گا۔
کمپنی کے مطابق اس فیچر کے لیے کسی چیز کی تصویر لے کر سرچ کریں اور اپنے ذہن میں موجود سوال کو ٹائپ کریں۔
سرکل 2 سرچ کے برعکس، ملٹی سرچ فیچر گوگل ایپ میں تمام صارفین کے لیے دستیاب ہوگا۔ کمپنی کے مطابق یہ فیچر ابتدائی طور پر امریکا میں متعارف کرایا جا رہا ہے۔
