کویت اردو نیوز : سام سنگ نے گلیکسی سمارٹ فون کو AI فیچرز اور کالز کے دوران ترجمہ کے ساتھ متعارف کرا دیا ہے ۔
جنوبی کوریا کی کمپنی سام سنگ نے مصنوعی ذہانت کی خصوصیات کے ساتھ جدید ترین گلیکسی اسمارٹ فون پریمیم S.24 الٹرا متعارف کرادیا۔ یہ دوران کال ترجمہ بھی کرےگا۔
اے ایف پی کے مطابق سام سنگ کے صدر ٹی ایم روہ نے اس موقع پر کیلی فورنیا کے شہر سان ہوزے کی سیلیکون ویلی کے ایک اسپورٹس سینٹر میں منعقدہ تقریب میں شرکت کی۔
اس موقع پر انہوں نے کہا کہ مصنوعی ذہانت سے موبائل انڈسٹری میں بڑی تبدیلی آنے والی ہے، انہوں نے کہا کہ مستقبل قریب میں موبائل فون مصنوعی ذہانت تک رسائی کا اہم مقام ہو گا اور سام سنگ قائدانہ کردار ادا کرنا چاہتا ہے۔
پریمیم S-24 الٹرا کال کے دوران مختلف زبانوں کا ترجمہ کرنے کی صلاحیت رکھتا ہے اور اس کے ذریعے ایک دوسرے کی زبان نہ سمجھنے والے دو افراد فون پر بات چیت کر سکیں گے۔
یہ سہولت دنیا میں بولی جانے والی 13 زبانوں کے لیے دستیاب ہوگی اور ان کے لیے مترجم سام سنگ نے اپنی AI ٹیکنالوجی کا استعمال کرتے ہوئے تیار کیا ہے۔
فون میں گوگل سے منسلک ایک غیر معمولی سرچ فنکشن بھی ہے۔ اس فنکشن کو استعمال کرتے ہوئے صارف کسی بھی متن کو سرکل لگا کر اپنے سامنے موجود کسی بھی اصطلاح یا تصویر کو تلاش کر سکے گا۔
فون میں کار سسٹمز جیسے میسجنگ اور نیویگیشن بھی شامل ہے، یہ سسٹم مصنوعی ذہانت سے بھی منسلک ہیں۔ آئی فون 15 کی طرح Samsung Galaxy S24 UltraTitanium فریم کے ساتھ ہے ، اسکی ابتدائی قیمت$1,299 ڈالر ہے ۔
