کویت اردو نیوز : صدیوں سے، مسلمانوں نے ایک ایسی غذا کی پیروی کی ہے جو وقفے وقفے سے روزے رکھنے سے ملتی جلتی ہے، یعنی ایک مخصوص مدت کے لیے ایک یا زیادہ غذائیں نہیں کھاتے۔
وقفے وقفے سے روزہ پانچ دہائیوں سے جاری ہے اور اس کی بہت سی مختلف شکلیں ہیں۔ یہ صحت کا ایک زبردست رجحان ہے جسے لوگ وزن کم کرنے، صحت کو بہتر بنانے کے لیے استعمال کرتے ہیں۔ کئی مطالعات ہیں جو ظاہر کرتے ہیں کہ اس کے جسم اور دماغ پر فائدہ مند اثرات مرتب ہو سکتے ہیں۔
یہ کھانے کا ایک عمل ہے جو کھانے اور نہ کھانے کے درمیان چلتا ہے۔ یہ اس بارے میں نہیں ہے کہ آپ کو کیا نہیں کھانا چاہئے، لیکن آپ کو اسے کب کھانا چاہئے۔
سعودی فزیشن، اسپورٹس نیوٹریشنسٹ اور کنگ عبدالعزیز یونیورسٹی کی لیکچرر سندس ملائکہ کا کہنا ہے کہ بزرگ مسلمان عام طور پر ہفتے میں دو روزے رکھتے ہیں کیونکہ یہ سنت ہے۔
ملائیکہ نے عرب نیوز سے بات کرتے ہوئے کہا کہ ‘مجھے خوشی ہے کہ ہم جو کام برسوں سے کر رہے ہیں وہ اب مقبول اور پسند کیا جا رہا ہے’۔
انہوں نے مزید کہا کہ بہت سے بزرگ سال بھر روزہ رکھتے ہیں کیونکہ اس سے وہ بہتر محسوس کرتے ہیں، بہت سے دادا دادی پیر اور جمعرات کو روزہ رکھتے ہیں اور یہ ان کی زندگی کا حصہ ہے۔ وہ روزے کے سائنسی فوائد کے بارے میں نہیں جانتے، وہ صرف اس لیے کرتے ہیں کیونکہ یہ ایک سنت ہے اور اس سے انہیں اچھا لگتا ہے، اور یہی چیز مجھے پسند ہے۔”
وقفے وقفے سے یا کھانے کے اوقات کے لیے وقت مختص کرنے کے کچھ مشہور طریقے یہ ہیں۔
ان میں سے پہلا سولہ، آٹھ کا طریقہ ہے، ذس میں ناشتے کو چھوڑ کر کھانے پینے کا وقت آٹھ گھنٹے جیسا کہ ایک سے نو بجے تک محدود ہے جبکہ باقی سولہ گھنٹے کچھ نہیں کھایا جاتا۔
ایک طریقہ ایٹ سٹاپ ایٹ ہے جس میں 24 گھنٹے کچھ نہ کھانا شامل ہے۔ یہ ہفتے میں ایک یا دو بار کیا جاتا ہے۔
پانچ دو کھانے کےطریقہ کے مطابق، آپ ہفتے کے غیر لگاتار دنوں میں صرف 500 سے 600 کیلوریز کھاتے ہیں جبکہ باقی پانچ دنوں میں عام طور پر کھاتے ہیں۔
رمضان کے روزوں کے دوران، فجر سے غروب آفتاب تک تمام کھانے پینے سے پرہیز کیا جاتا ہے، جب کہ انٹرمیٹنٹ میں صفر کیلوریز والی غذائیں جیسے پانی، چائے اور کافی کی عام طور پر اجازت ہے۔
ملائکہ کا کہنا تھا کہ ‘روزہ صحیح طریقے سے کیے جانے کے بہت سے فوائد ہیں، یہ اضافی وزن کم کر سکتا ہے، شوگر کنٹرول کو بہتر بنا سکتا ہے، انسولین کی تاثیر کو بڑھا سکتا ہے، خون کی چربی کو کم کر سکتا ہے اور خطرناک بیماریوں کا خطرہ کم ہوجاتا ہے۔’
"لوگ عام طور پر کہتے ہیں کہ جب وہ روزہ رکھتےہیں تو وہ ہلکامحسوس کرتےہیں ۔
انٹرمیٹنٹ سے روزے رکھنا رمضان کے روزوں کے مقابلے میں بہت آسان ہیں کیونکہ پانی کی کمی کا امکان کم ہوتا ہے۔
البتہ بعض لوگ کہتے ہیں کہ رمضان کے روزے رکھنے کے زیادہ فائدے ہیں کیونکہ یہ مشکل ہے۔
انہوں نے مزید کہا کہ جب کچھ لوگ کھانے کی اجازت دیتے ہیں تو وہ فوائد کھو دیتے ہیں۔ "یہ بالآخر اس کے برعکس ہوتاہے جو ہم حاصل کرنے کی کوشش کر رہے ہیں۔”
رمضان المبارک کے دوران زیادہ سے زیادہ صحت کے فوائد کے لیے ضروری ہے کہ زیادہ سے زیادہ گھر کا پکا ہوا کھانا کھائیں۔ روزے کو آسان بنانے کے لیے ضروری ہے کہ ہمارے کھانے سوچ سمجھ کر بنائے جائیں، وہ زیادہ غذائیت سے بھرپور ہوں، ان میں پروٹین، چکنائی اور کاربوہائیڈریٹ زیادہ ہوں۔
