کویت اردو نیوز : ایک رپورٹ کے مطابق ایکس یوٹیوب کا مقابلہ کرنے کے لیے ایک ٹی وی ایپ لانچ کر رہا ہے۔
سوشل میڈیا پلیٹ فارم X (Twitter کا نیا نام) پر پوسٹ کی گئی لمبی ویڈیوز جلد ہی سمارٹ ٹیلی ویژن (TVs) پر دیکھنے کے لیے دستیاب ہوں گی۔
یہ ایپ بعض کمپنیوں کے ٹی وی ماڈلز کے ساتھ کام کرے گی، جس سے X پر پوسٹ کی گئی لمبی ویڈیوز کو براہ راست ٹیلی ویژن پر دیکھنا ممکن ہو جائے گا۔
رپورٹ میں بتایا گیا کہ یہ ٹی وی ایپ دیکھنے میں یوٹیوب سے ملتی جلتی ہوگی اور اس کے ذریعے ایلون مسک یوٹیوب کا مقابلہ کرنا چاہتے ہیں۔
ایلون مسک نے بھی ایکس پوسٹ کا جواب دیتے ہوئے اس کی تصدیق کی۔
تاہم ایکس کی جانب سے فی الحال اس ایپ کے بارے میں زیادہ تفصیلات جاری نہیں کی گئی ہیں۔
یاد رہے کہ ایلون مسک کمپنی کی اشتہاری آمدنی کو بڑھانے کے لیے X کو ویڈیو فرسٹ پلیٹ فارم میں تبدیل کرنا چاہتے ہیں۔ یہ نئی تبدیلیاں ایلون مسک کی ٹویٹر کو سپر ایپ بنانے کی کوششوں کا حصہ ہیں۔
واضح رہے کہ ایکس کی ماہانہ فیس ادا کرنے والے صارفین اس پلیٹ فارم پر 2 گھنٹے طویل ویڈیوز پوسٹ کر سکتے ہیں۔
اس سے قبل اکتوبر 2023 ء میں، X نے ویڈیو اور آڈیو کالنگ فیچر کو رول آؤٹ کرنا شروع کیا تھا جو اب تمام صارفین کے لیے دستیاب ہے۔