کویت اردو نیوز : اپنی رپورٹ میں، بین الاقوامی مالیاتی فنڈ نے دنیا کے غریب ترین ممالک کی فہرست جاری کی ہے، جس میں جنوبی سوڈان 492.72 ڈالر فی کس جی ڈی پی کے ساتھ پہلے نمبر پر ہے۔
جی ڈی پی ملک کی مجموعی اقتصادی پیداوار کا ایک پیمانہ ہے جبکہ لوگوں کی قوت خرید معیار زندگی کا تعین کرتی ہے۔
امریکی مالیاتی جریدے فوربز کے مطابق بین الاقوامی مالیاتی فنڈ نے یہ فہرست ملک کی آبادی کی فی کس جی ڈی پی اور لوگوں کی قوت خرید کی بنیاد پر ترتیب دی ہے۔
جنوبی سوڈان، جس نے 2011 میں آزادی حاصل کی، دنیا کا سب سے کم عمر اور غریب ترین ملک ہے جس کی فی کس جی ڈی پی 492.72 ہے، جس کی بنیادی وجہ سیاسی عدم استحکام، تنازعات سمیت محدود انفراسٹرکچر ہے۔
بین الاقوامی مالیاتی فنڈکی دنیاکےغریب ترین ممالک کی فہرست میں افریقی ممالک ٹاپ ٹین میں شامل ہیں۔ برونڈی اس فہرست میں جنوبی سوڈان کے بعد دوسرے نمبر پر ہے، جس کی فی کس جی ڈی پی $936.42 ہے۔
اسی طرح تیسرے اور چوتھے افریقی ممالک میں وسطی افریقی جمہوریہ اور عوامی جمہوریہ کانگو ہیں۔ پانچویں نمبر پر موزمبیق، اس کے بعد بالترتیب ملاوی، نائجر، چاڈ، لائبیریا ،مڈغاسکر ہیں۔
نیپال غریب ترین ممالک کی فہرست میں 40ویں نمبر پر ہے۔ اس لیے نیپال جنوبی ایشیا کا غریب ترین ملک ہے۔ اس کے علاوہ پاکستان 52ویں، بنگلہ دیش 62ویں اور بھارت 63ویں نمبر پر ہے۔
اس کے برعکس، لکسمبرگ کا شمار دنیا کے امیر ترین ممالک میں ہوتا ہے جس کی فی کس جی ڈی پی حیران کن $145,834 ہے۔ اس کے بعد آئرلینڈ، سنگاپور ، قطر ہیں۔
