کچھ لوگ لیفٹ ہینڈڈ کیوں ہوتے ہیں؟ تحقیق میں وجہ معلوم

کویت اردو نیوز : دنیا بھر میں 10% لوگ لیفٹ ہینڈڈ والے ہیں۔ لیکن ایسا کیوں ہے کہ زیادہ تر لوگ رائٹ ہینڈڈ ہوتے ہیں، لیکن کچھ اپنے بائیں ہاتھ کا زیادہ استعمال کرتے ہیں؟

تحقیق نے ایک ایسے جین پر روشنی ڈالی ہے جو لوگوں کو بائیں ہاتھ والا بنانے میں کردار ادا کر سکتا ہے۔ تحقیق سے ثابت ہوا ہے کہ TUBB4B نامی جین ہاتھ کا تعین کرنے میں اہم ہے۔ یہ جین بائیں ہاتھ والے لوگوں میں زیادہ پایا جاتا ہے اور خلیات کی ساخت کو کنٹرول کرنے میں کردار ادا کرتا ہے۔

ہمارا دماغ 2 حصوں میں تقسیم ہے اور تحقیق کے مطابق زیادہ تر لوگوں میں دماغ کا بائیں حصہ زبان کے لیے غالب ہوتا ہے جب کہ دائیں جانب بصری توجہ کے لیے اہم ہوتا ہے۔

محققین کا کہنا تھا کہ دماغ کا بایاں حصہ بھی دائیں ہاتھ کو کنٹرول کرتا ہے جب کہ بائیں ہاتھ والے افراد میں دماغ کا دایاں حصہ ہاتھ کو کنٹرول کرتا ہے، سوال صرف یہ ہے کہ بائیں ہاتھ والے افراد کے دماغ میں یہ فرق کیسے واقع ہوتا ہے۔

اس تحقیق میں 350,000 درمیانی عمر کے لوگوں کے جینیاتی ڈیٹا کا جائزہ لیا گیا، جن میں سے 11 فیصد لیفٹ ہینڈڈ تھے۔

محققین کے مطابق ہمارے خیال میں رحم میں دماغی نشوونما کے دوران بائیں ہاتھ کو غلبہ حاصل ہوتا ہے لیکن بعد میں سماجی عوامل اس میں کردار ادا کرتے ہیں۔

تحقیق سے پتہ چلتا ہے کہ TUBB4B ایک پروٹین کو کنٹرول کرتا ہے جو خلیوں کی ساخت میں کردار ادا کرتا ہے۔ محققین نے لیفٹ ہینڈڈ افراد میں اس جین کے اندر مخصوص تغیرات دریافت کیے۔

محققین تسلیم کرتے ہیں کہ ابھی بہت کچھ واضح نہیں ہے، لیکن ہمیں شبہ ہے کہ مخصوص جینیاتی تغیرات ایک کردار ادا کرتے ہیں ، انہوں نے مزید بتایا کہ پیدائش کے بعد مختلف معاشروں میں بچوں پر دباؤ ڈال کر ان کو دائیں ہاتھ والا بنانے کی کوشش کی جاتی ہے۔