کویت اردو نیوز 7جون: آن لائن ٹیکسی سروس اوبر نے ایک فہرست تیار کی ہے جس میں مسافروں کی چھوڑی ہوئی چیزیں شامل ہیں۔
فہرست میں مسافروں کی رہ جانے والی عمومی اور غیر معمولی اشیاء کو ظاہر کیا گیا ہے۔
رائیڈ ہیلنگ پلیٹ فارم کے لوسٹ اینڈ فاؤنڈ انڈیکس کے 2022 ایڈیشن کے مطابق، 10 سب سے زیادہ بھولی جانے والی اشیاء فون/کیمرہ، لیپ ٹاپ، بیگ، والیٹ، اسپیکر، کپڑے، گروسری، نقدی، پانی کی بوتل اور ہیڈ فون ہیں۔لیکن کبھی کبھار لوگ اپنے اسپیکر، چشمے، الیکٹرانک سگریٹس، شناختی کارڈ اور زیورات تک بھول جاتے ہیں۔
تاہم کچھ مسافروں کی جانب سے بھولی گئیں انوکھی اشیاء میں ایک ناخن، آلو کے چپس ،مصنوعی دانتوں کا سیٹ، 500 گرام مچھلی کے انڈے، چھوٹا گٹار، پیزا کے ڈیزائن کا لباس، امریکی بارہ سنگھا کی تصویر، مہینے کا بہترین ایمپلائی ایوارڈ ،بھورے رنگ کا کچھوا، برنی سینڈرز کا چھوٹا بیگ، کروشیا سے بنائی گئی اسٹرابیری، گوند کی ایک چھوٹی بالٹی اور اسٹیتھوسکوپ شامل ہیں۔
اوبر کے سروے میں مزید بتایا گیا کہ 40 سے زیادہ سواریوں نے اپنی CPAP مشینیں (نیند میں سانسوں کو بحال رکھنے والی مشین) کھوئیں اور 30 سے زائد مسافروں نے دانتوں کو سنبھالنے والے آلے retainers جبکہ پانچ لوگوں نے مصنوعی دانتوں کے کھونے کی اطلاع دی۔
اوبر کے سروے میں مزید بتایا گیا کہ 40 سے زیادہ سواریوں نے اپنی CPAP مشینیں (نیند میں سانسوں کو بحال رکھنے والی مشین) کھوئیں اور 30 سے زائد مسافروں نے دانتوں کو سنبھالنے والے آلے retainers جبکہ پانچ لوگوں نے مصنوعی دانتوں کے کھونے کی اطلاع دی۔
