کویت اردو نیوز 02 جنوری: سعودی ارب پتی خاتون ساہو بنت عبد اللہ کون ہے، کیا واقعی اس نے اپنے پاکستانی ڈرائیور سے شادی کی ہے؟
گزشتہ روز سے انٹرنیٹ اور مختلف سوشل میڈیا پلیٹ فارمز پر گردش کرتی یہ خبر کہ ایک سعودی شہری ارب پتی خاتون نے اپنے پاس کام کرنے والے ڈرائیور جو ایک پاکستانی شہری ہے سے شادی کر لی ہے نے گزشتہ روز سے لاکھوں صارفین خاص طور پر پاکستانیوں کو اچنبھے میں ڈالا ہوا ہے۔ تفصیلات کے مطابق سعودی عرب کی ارب پتی کاروباری خاتون’ ساہو بنت عبد اللہ المحبوب اور ان کے ڈرائیور کی شادی کا ایک کلپ سوشل میڈیا پر گردش کر رہا ہے۔
ویڈیو میں شامل خاتون کے بارے میں بتایا جاتا ہے کہ وہ ’سعودی عرب کی ایک ارب پتی خاتون ہیں جب کہ دولہا پاکستانی ڈرائیور ہے۔ یہ خبریں سوشل میڈیا پر بڑے پیمانے پر گردش کی گئیں جبکہ ابھی تک دلہا یا دلہن کی طرف سے کوئی تصدیق یا بیان نہیں آیا ہے۔
گردش کے مطابق دلہن کی دولت تقریبا 8 ارب امریکی ڈالر ہے اور وہ سعودی عرب میں متعدد ہوٹلوں اور رہائشی املاک کی مالکن ہے۔ وہ فرانس میں بزنس ٹاورز کی بھی مالک ہیں۔ اس خبر میں کہا گیا ہے کہ جاری وبائی بیماری کی وجہ سے سعودی خاتون اور اس کا پاکستانی ڈرائیور ایک عام تقریب میں شادی کے بندھن میں بندھے۔
دوسری طرف اس سعودی بزنس ٹائکون خاتون کے بارے میں انٹرنیٹ پر کوئی تفصیلات دستیاب ہی نہیں ہیں نیز آن لائن تلاش میں بھی ساہو بنت عبد اللہ المحبوب کی کوئی پروفائل سامنے نہیں آئی۔
غیر معمولی واقعہ نے صارفین کو تقسیم کردیا جیسا کہ بہت سے لوگوں نے اس واقعے کو "جعلی” قرار دیا ہے۔
