کویت اردو نیوز 10 جون: ابو ظہبی نے غیر ویکسین شدہ افراد پر پبلک مقامات پر جانے کی پابندی عائد کردی ہے۔
تفصیلات کے مطابق ابوظہبی کے حکام نے 15 جون سے تجارتی مراکز ، ریسٹورنٹس ، کیفے اور دیگر عوامی مقامات پر داخلے پر پابندی عائد کرنے کا فیصلہ کیا ہے۔ ملک بھر کے عوامی مقامات پر صرف ویکسین شدہ افراد ہی جاسکتے ہیں یا پھر ان افراد کو بھی اجازت ہوگی جن کے وائرس ٹیسٹ کی رپورٹ منفی ہو۔ غیر ویکسین شدہ افراد کو عوامی مقامات پر جانے کی اجازت نہیں دی جائے گی۔
گذشتہ تین ہفتوں کے دوران متحدہ عرب امارات میں روزانہ انفیکشنز کے کیسوں میں اضافہ دیکھنے کے بعد بدھ کی شام نئے قواعد کا اعلان کیا گیا۔ متحدہ عرب امارات میں کل بدھ کے روز 2،179 کورونا کیس سامنے آئے جبکہ 17 مئی کو 1،229 سب سے ذیادہ کیس ریکارڈ کئے گئے تھے۔ ابوظہبی میڈیا آفس نے کہا کہ پابندیوں کا اطلاق جمز ، ہوٹلوں اور ان کی سہولیات ، پبلک پارکس ، ساحل سمندر ، سوئمنگ پولز، تفریحی مراکز ، سینما گھروں اور عجائب گھروں پر بھی ہوگا۔
پبلک مقامات پر جانے سے قبل زائرین کو یہ ثابت کرنا ہوگا کہ انہوں نے حفاظتی ویکسین حاصل کی ہے یا ٹیسٹ کا منفی نتیجہ ظاہر کرنا ہوگا۔ حالیہ ٹیسٹ کے لئے ملک میں نافذ ہونے والے "کوویڈ 19” ایپلی کیشن کے ذریعہ کورونا وائرس کا پتہ لگایا جاسکتا ہے جو ویکسی نیشن کی تاریخ کو ظاہر کرتا ہے اور ہر ایک کے انفرادی ٹیسٹ کی ہسٹری ظاہر کرتا ہے۔ موبائل ایپلی کیشن پر سبز رنگ ظاہر ہوگا جو یہ ظاہر کرے گا کہ متعلقہ شخص کو ویکسین دی گئی ہے یا اس کے ٹیسٹ کا نتیجہ منفی ریکارڈ کیا گیا ہے۔
جن لوگوں کو یہ ویکسین نہیں ملی ہے انہیں اپنے فون پر سبز رنگ برقرار رکھنے کے لئے ہر تین دن میں ایک دفعہ ٹیسٹ کروانا پڑے گا تاہم جن لوگوں نے ویکسین کی دونوں خوراکیں موصول کرلی ہیں انہیں ہر 30 دن میں ایک ٹیسٹ کروانا پڑے گا۔ متحدہ عرب امارات نے گذشتہ ماہ اعلان کیا تھا کہ شادی کی تقریبات سمیت تمام براہ راست اجتماعات اور سماجی سرگرمیوں میں شرکت ان افراد تک محدود ہوگی جو یہ ثابت کرسکتے ہیں کہ انہیں ویکسین ملی ہے۔
متحدہ عرب امارات نے دنیا میں ویکسی نیشن کی سب سے زیادہ شرح درج کی ہے اور یہ اپنے شہریوں اور باشندوں کو "آسٹرازینیکا” ، "فائزر / بائینٹیک” ، "سونوفرما” اور "اسپٹنک وی” ویکسین فراہم کرتا ہے۔ یاد رہے کہ ابوظہبی میں چینی ویکسین "سینوفرما” لینے والے افراد کو فائزر / بائینٹیک ویکسین کی بوسٹر خوراک دی جاتی ہے۔
