کویت اردو نیوز 13جون:سوڈان کی بندرگاہ سوکین میں ہزاروں بھیڑوں سے بھرا ہوا ایک بحری جہاز ڈوب گیا جس میں سوار ہزاروں جانور ڈوب گئے، تاہم عملہ ڈوبنے سے محفوظ رہا۔ سوڈان بدستور ایک دائمی معاشی بحران کی زد میں ہے جو گزشتہ سال
آرمی چیف عبدالفتاح البرہان کی قیادت میں ہونے والی فوجی بغاوت کے بعد مزید گہرا ہو گیا ہے۔ عرب میڈیا کے مطابق مویشیوں کا یہ جہاز سوڈان کی بندرگاہ سوکین سے سعودی عرب جا رہا تھا کہ بحیرہ احمر میں حادثے کا شکار ہو گیا۔ سوڈانی بندرگاہ کے سینئر اہلکار نے نام ظاہر نہ کرنے کی شرط پر بتایا کہ بحری جہاز بدر 1، اتوار کی صبح ڈوب گیا ، اس میں 15 ہزار 800 بھیڑیں سوار تھیں، بھیڑوں کا وزن جہاز کے بوجھ اٹھانے کی حد سے زیادہ تھا۔ بدر ون’ نامی جہاز اتوار کی علی الصبح 13 میٹر گہرے پانی میں ڈوبا۔حکام کا کہنا ہے کہ جہاز میں 7 ہزار بکرے رکھنے کی گنجائش تھی لیکن
A livestock ship sank in an area near harbor entrance, while sailing off Sudan's 🇸🇩 Suakin port, carrying 16,000 sheep
A rescue team was dispatched to search for the ship's crew membershttps://t.co/Y2Q7ldGquP https://t.co/zHtMBFnsBA pic.twitter.com/u8W75qlHmt
— Saad Abedine (@SaadAbedine) June 11, 2022
اس میں دگنے مویشی رکھے گئے تھے اور زیادہ وزن کی وجہ سے جہاز ڈوب گیا۔ ایک اور اہلکار نے بتایا کہ جہاز کے تمام عملے کو ڈوبنے سے بچا لیا گیا ہے جب کہ اس نے حادثے کے معاشی اور ماحولیاتی اثرات پر تشویش کا اظہار کیا۔
اہلکار نے مزید کہا کہ اس حادثے کا اثر بندرگاہ کے کام کو متاثر کرے گا جب کہ بحری جہاز پر موجود جانوروں کی بڑی تعداد کی موت کی وجہ سے اس کا ماحولیاتی اثر بھی پڑے گا۔ بندرگاہ کو دوبارہ فعال کرنے کے لیے اقدامات کیے گئے ہیں لیکن 2017 میں ترکی کے ساتھ تاریخی عمارتوں کی بحالی اور بندرگاہوں کو توسیع دینے کا معاہدہ طویل عرصے تک صدر عمر البشیر کی معزولی کے بعد معطل کر دیا گیا تھا۔
