کویت اردو نیوز 14جون:انٹرنیٹ پر گردش کرنے والی ویڈیو نے اس خوفناک لمحے کو محفوظ کر لیا ہے جب ایک شیر نے چڑیا گھر کے ایک کارکن کی انگلی چبا ڈالی۔
یہ واقعہ جمعے کو سینٹ الزبتھ کے جمیکا چڑیا گھر میں اس وقت پیش آیا جب اس شخص نے شیر کے پنجرے میں ہاتھ ڈالا۔ آدمی کی مسلسل چھیڑ چھاڑ سے خوش نہ ہو کر شیر نے گرجتے ہوئے اور دانت دکھا کر آدمی کو متنبہ کرنے کی کوشش کی۔ تاہم، آدمی نے توجہ نہیں دی اور مسلسل شیر کے ساتھ چھیڑ چھاڑ کرتا رہا۔
غصے میں آنے والے شیر نے اس آدمی کی انگلی اپنے جبڑوں میں دبا لی۔جس پر وہ شخص چیخ و پکار کرتے ہوئے آزاد ہونے کی جدوجہد کر رہا تھا۔ آدمی کی انگلی شیر کے منہ میں پھنس گئی۔
ویڈیو بننے والے ساتھیوں میں سے ایک نے بتایا کہ، شیر نے آدمی کی انگلی کے اوپر والے حصے کو پہلے جوڑ سے کاٹ لیا۔
یہ ویڈیو بہت وائرل ہوچکی ہے اور صارفین نے اس زخمی شخص کو ہی ذمہ دار قرار دیتے ہوئے کہا کہ شیر کو پریشان کرنے پر وہ اس سزا کا مستحق ہے۔
