شاہین شاہ آفریدی ورلڈ کپ 2023 میں پانچ وکٹیں لینے والے پہلے فاسٹ بولر بن گئے۔
پاکستانی فاسٹ باؤلر شاہین شاہ آفریدی نے ورلڈ کپ 2023 میں آسٹریلیا کے خلاف کھیلے گئے ورلڈ کپ کے 18ویں میچ میں پانچ وکٹیں لینے کا اعزاز حاصل کیا۔
انہوں نےبنگلورواسٹیڈیم میں آسٹریلیا کیخلاف اپنے 10 اوورزمیں 54 رنزدےکر5 وکٹیں حاصل کیں۔
اس سے قبل نیوزی لینڈ کے اسپنر مچ سینٹنر نے بھی ہالینڈ کے خلاف پانچ وکٹیں حاصل کی تھیں تاہم انہوں نے 59 رنز دئیے جب کہ شاہین نے 54 رنز دے کر پانچ وکٹیں حاصل کیں اس لیے وہ اب تک فہرست میں سرفہرست ہیں۔
تیسرے نمبر پر ہندوستانی بولر جسپریت بمراہ کا نمبر ہے جنہوں نے افغانستان کے خلاف 39 رنز دے کر چار وکٹیں حاصل کیں۔ چوتھی پوزیشن انگلش باؤلر رائس ٹوپلے کی ہے جنہوں نے بنگلہ دیش کے خلاف میچ میں 43 رنز دے کر چار وکٹیں حاصل کیں۔
پانچویں نمبر پر آسٹریلوی بولر ایڈم زمپا ہیں جنہوں نے سری لنکا کے خلاف میچ میں 47 رنز دے کر چار وکٹیں حاصل کیں۔
