زمین کا تنازعہ: 55 افراد جاں بحق سینکڑوں زخمی

کویت اردو نیوز ،3 نومبر 2023: پاکستان کے صوبہ خیبرپختونخوا کے ضلع کرم میں زمین کے تنازع پر گزشتہ کئی روز سے جاری جھڑپوں میں مزید 6 افراد جاں بحق اور 10 زخمی ہوگئے، جاں بحق افراد کی تعداد 55 جبکہ زخمیوں کی تعداد 105 ہوگئی۔

پولیس کا کہنا ہے کہ جھڑپوں میں قبائل ایک دوسرے کے خلاف راکٹ اور مشین گنوں سمیت بھاری اور خودکار ہتھیاروں کا استعمال کر رہے ہیں۔ تصادم کے باعث علاقے میں ٹرانسپورٹ ، تعلیمی ادارے، انٹرنیٹ اور موبائل فون سروس بند ہے، کاروبار زندگی مفلوج ہے۔

دوسری جانب جرگے نے مسئلے کے حل کے لیے کوششیں شروع کر دی ہیں۔ پولیس کے مطابق جرگے کی کامیاب کوششوں کے بعد شام سے صدہ اور بالش خیل کے درمیان جنگ بندی ہوگئی ہے جب کہ مزید 8 علاقوں میں جنگ بندی کے لیے جرگے، ضلعی انتظامیہ اور فورسز کی کوششیں جاری ہیں۔