کویت اردو نیوز28 اگست: ابوظہبی کے سرکاری ادارے اور نجی کمپنیاں 5 ستمبر سے 100 فیصد صلاحیت کے ساتھ کام کریں گی۔
تفصیلات کے مطابق ابوظہبی کے سرکاری ذرائع نے اعلان کیا ہے کہ 5 ستمبر سے تمام سرکاری ادارے اور نجی کمپنیاں سو فیصد صلاحیت یعنی مکمل افرادی قوت کے ساتھ دوبارہ کام کا آغاز کریں گی۔ تمام ویکسین شدہ ملازمین کے ساتھ ساتھ وہ لوگ جو ویکسی نیشن سے مستثنیٰ ہیں انہیں بھی AlHosn ایپلی کیشن پر گرین اسٹیٹس دکھانے کی ضرورت ہوگی۔ غیر ویکسین شدہ ملازمین کو ہر سات دن بعد کوویڈ 19 کا ٹیسٹ کروانا ہوگا۔ تمام ملازمین کو حکومت کی کوویڈ 19 ٹیسٹنگ کی ضروریات پر لازمی عمل کرنا ہوگا۔ جانچ کے تقاضوں پر
عمل کرنے میں ناکام رہنے والوں کو کام کرنے کی اجازت نہیں دی جائے گی اور غیر حاضری کو ان کی سالانہ چھٹی یا ماہانہ تنخواہ سے کاٹا جائے گا۔ ویکسین شدہ زائرین اور کسٹمرز کو AlHosn ایپلی کیشن پر گرین اسٹیٹس دکھانا ہوگا جبکہ
غیر ویکسین شدہ زائرین کو 48 گھنٹوں کے اندر کئے جانے والے PCR ٹیسٹ کا منفی نتیجہ دکھانا ہوگا۔ گریڈ 10 یا اس سے کم عمر کے بچوں کے والدین میں سے ایک کے لیے ریموٹ ورکنگ کی اجازت ہے جو طبی اجازت اور تعلیمی ادارے کے بیان کی بنیاد پر ذاتی طور پر اسکول حاضری سے مستثنیٰ ہے تاہم آجر سرکاری قواعد و ضوابط کی بنیاد پر اضافی اجازت دے سکتے ہیں۔
یاد رہے کہ ابوظہبی میں فعال ہونے والے گرین پاس سسٹم نے حال ہی میں عوامی مقامات پر صرف ویکسین شدہ رہائشیوں اور سیاحوں کے داخلے کی اجازت دی ہے۔ الحسن ایپ پر گرین پاس کوویڈ 19 پی سی آر ٹیسٹ کے منفی نتائج کے بعد ویکسین شدہ افراد کے لیے فعال کیا جاتا ہے۔ اور یہ حیثیت 30 دن تک فعال رہتی ہے جبکہ ابو ظہبی میں غیر ویکسین شدہ افراد کو شاپنگ مالز ، ریستوراں ، کیفے ، ریٹیل آؤٹ لیٹس ، جم ، تفریحی سہولیات اور کھیلوں کی سرگرمیاں ، ہیلتھ کلب ، ریزورٹس اور تعلیمی اداروں میں داخل ہونے کی اجازت نہیں ہے۔
