کویت اردو نیوز 01 نومبر: ولی عہد ابوظہبی شیخ محمد بن زید النہیان نے "فرنٹ لائن ہیروز” اور ان کے اہل خانہ کو گولڈن ویزے دینے کی ہدایت جاری کر دی۔
تفصیلات کے مطابق ابوظہبی کے ولی عہد اور متحدہ عرب امارات کی مسلح افواج کے ڈپٹی سپریم کمانڈر شیخ محمد بن زید النہیان نے "فرنٹ لائن ہیروز” اور ان کے اہل خانہ کو گولڈن ویزے دینے کی ہدایت جاری کر دی ہے۔ ان اہل افراد میں فرنٹ لائن ہیروز کے اہل خانہ اور وہ ممتاز افراد شامل ہیں جن کی غیر معمولی کوششوں نے کوویڈ19 کی وباء کے دوران ملک اور اس کے لوگوں کی حفاظت میں مدد کی۔ ڈبلیو اے ایم کے مطابق یہ انسانی اقدام فرنٹ لائن ہیروز اور ان کے خاندانوں کو بہتر استحکام فراہم کرے گا۔ یہ ملک کی صحت عامہ کے تحفظ میں مدد کرنے والے ممتاز پیشہ ور افراد کو طویل مدتی رہائش دے کر
عالمی سطح کے دفاع کی پہلی لائن کو برقرار رکھنے کے متحدہ عرب امارات کے عزم کو بھی تقویت دے گا۔ جولائی کے آغاز میں متحدہ عرب امارات کی حکومت نے ڈاکٹروں کو "ان کی کوششوں اور قربانیوں کے اعتراف میں” گولڈن ویزا کے لیے درخواست دینے کی دعوت دی تھی۔ متحدہ عرب امارات کے ہیلتھ ریگولیٹری اداروں کے لائسنس یافتہ تمام ڈاکٹر جولائی 2021 اور ستمبر 2022 کے درمیان ویب سائٹ smartservices.ica.gov.ae کے ذریعے گولڈن ویزا کے لیے درخواست دینے کے اہل ہوں گے۔ دبئی کے لائسنس یافتہ ڈاکٹر بھی smart.gdrfad.gov.ae کے ذریعے درخواست دے سکتے ہیں۔ طویل مدتی رہائش سے متعلق سرکاری محکمے ویزا جاری ہونے سے پہلے درخواستوں کا جائزہ لیں گے۔
