کویت اردو نیوز 29 ستمبر: سلطان عمان نے کویت کے امیر مرحوم کی وفات پر 3 دن کے سوگ اور جھنڈے سرنگوں کرنے کا اعلان کردیا۔
تفصیلات کے مطابق عمان کی شاہی عدالت کے دیوان نے کل بروز بدھ سے امیر کویت شیخ صباح الأحمد الجابر الصباح کی وفات کے دکھ میں جھنڈے سرنگوں کرنے اور سرکاری و نجی شعبوں میں تین دن کے لئے معطلی کا اعلان کر دیا۔
عمانی نیوز ایجنسی نے شاہی عدالت کے ایک بیان میں کہا ہے کہ ” سلطان ہیثم بن طارق کو مرحوم کی وفات کی خبر ملی، ہم خدا کے فیصلوں اور تقدیر پر یقین رکھتے ہیں” ۔ مرحوم ان عرب رہنماؤں میں سے ایک تھے جنھوں نے نظام عدل اور انسانیت کے قیام کے لئے اپنی دانشمندی اور بصیرت سے حصہ لیا۔ انہوں نے کہا کہ سلطنت نے ایک پیارا اور مخلص بھائی کھو دیا ہے۔
مزید پڑھیں: بحرین نے 3 روزہ سوگ کا اعلان کر دیا
بیان میں اشارہ کیا گیا ہے کہ سلطان عمان نے کل بروز بدھ سے شروع ہونے والے سرکاری سوگ کا اعلان جھنڈے سرنگوں کرنے اور سرکاری و نجی شعبے میں تین دن کے لئے کام معطل کرنے کے احکامات جاری کرتے ہوئے کیا۔
انہوں نے کہا کہ ” اللہ رب العزت سے دعا ہے کہ وہ مرحوم کو ان کی بڑی رحمت سے برکت عطا کرے اور اس میں سکونت اختیار کرے۔
