کویت اردو نیوز 10 مئی: سعودی آرامکو مختصر طور پر دنیا کی سب سے امیر کمپنی بن گئی اس کے حصص منگل کو 9.24 ٹریلین ریال (2.464 ٹریلین ڈالر) تک پہنچ گئے ہیں۔ ایسا امریکی سٹاک مارکیٹ
کے لگاتار سیشنوں میں گراوٹ اور ٹیکنالوجی کے حصص میں کمی کے بعد سامنے آیا جس نے صرف 3 سیشنز میں سب سے بڑی 7 امریکی ٹیکنالوجی کمپنیوں کی مارکیٹ ویلیو سے ایک ٹریلین ڈالر سے زیادہ کا خاتمہ کر دیا۔ آرامکو کے حصص منگل کو ٹریڈنگ میں بڑھ کر 46.20 ریال تک پہنچ گئے جس سے اس کی مارکیٹ ویلیو 2.464 ٹریلین ڈالر ہو گئی جبکہ معروف اور بڑی امریکی کمپنی "ایپل” کی قیمت 2.461 ٹریلین ڈالر ہو گئی ہے۔ دوسری جانب آرامکو کو کورونا وبا کی وجہ سے ہونے والی بڑی کساد بازاری کے بعد تیل کی بڑھتی ہوئی قیمتوں سے بھرپور فائدہ ہوا، اسی طرح روس اور یوکرین جنگ کی وجہ سے بھی بنیادی اشیاء کی قیمتوں میں اضافے سے
آرامکو نے اپنی مارکیٹ میں 240 بلین ڈالر سے زائد کا اضافہ کیا۔ دونوں کمپنیوں کے بعد مائیکروسافٹ آتا ہے جس کی مارکیٹ ویلیو 1.979 ٹریلین ڈالر ہے۔ ٹیکنالوجی کمپنیوں کی حالیہ کمی کے ساتھ جن کمپنیوں کی مالیت
دو ٹریلین ڈالر سے زیادہ ہے سعودی عرب اور امریکہ کے درمیان براہ راست مقابلے میں صرف دو کمپنیوں کی تعداد تک محدود رہ گئی ہے کیونکہ امریکی کمپنیاں عالمی سطح پر بڑے سائز کی کمپنیوں کی اکثریت کو کنٹرول کرتی ہیں۔ اسی طرح سوشل میڈیا ٹویٹر کے نئے مالک ایلون مسک کی کمپنی ٹیسلا کمپنی اپنے حصص میں کمی کی وجہ سے ٹریلین ڈالرز والی کمپنیوں کی فہرست سے باہر نکل گئی اور
اپنی مارکیٹ ویلیو کو 815 بلین ڈالر پر مستحکم کیا۔ دوسری طرف آرامکو پہلے ہی سب سے زیادہ منافع بخش انڈیکس میں بین الاقوامی کمپنیوں میں سب سے آگے ہے کیونکہ اس کا منافع تقریباً 208 بلین ڈالر ہے جبکہ اس کے قریب ترین حریف "ایپل” کے 120 بلین ڈالر کے قریب ہے۔