کویت اردو نیوز، 11 اپریل: سعودی ہوائی جہازوں پر آنے والے مسلمان مسافر اب ٹرانزٹ ویزہ کے ذریعے عمرہ کی سعادت بھی حاصل کر سکیں گے۔
سعودی عرب کی وزارت حج و عمرہ نے ٹویٹر پر ایک وضاحتی انفوگرافک شائع کیا ہے، جس میں ٹرانزٹ ویزے پر آنے والے مسلمانوں کے لئے مختصر وقت میں عمرہ کرنے کی سہولت کے ساتھ اس کے فوائد بیان کیے گئے ہیں۔
ٹرانزٹ ویزے پر آنے والے عمرہ کے مناسک کی ادائیگی کے علاوہ مسجد نبوی ﷺکی زیارت کا شرف بھی حاصل کرسکتے ہیں۔
سعودی جہازوں کا ٹکٹ خریدتے ہی عمرے کا مفت ویزہ بھی جاری کیا جائے گا جو 90 دن تک کار آمد ہوگا، اقامہ کی مدت کم سے کم چار دن ہوگی جسمیں آپکو سعودی عرب کے شہروں کے درمیان آمد ورفت کی سہولت حاصل ہوگی۔
یہ ویزہ تین طریقوں سے ملے گا، ائیر ٹکٹ کی بکنگ، ایئر لائنز اور فلائی ناس کے ذریعے درخواست جمع کرانے اور یا وزارت خارجہ کے قومی ویزا پلیٹ فارم اور یا ای میل کے ذریعے بھی ویزا حاصل کیا جا سکتا ہے۔
وزارت حج و عمرہ کیمطابق ویزا حاصل کرنے کے بعد عمرہ پرمٹ کو توکلنا ایپ کے ذریعے بک کرنا لازم ہو گا
