کویت اردو نیوز 17جون: سعودی حکومت کی جانب سے اعلان کیا گیا ہے کہ مملکت میں ڈیلیوری سروس کا پیشہ اختیار کرنے والے نوجوانوں(مرد ہو یا عورت) کو ماہانہ تین ہزار ریال دیے جائیں گے۔
سعودی عرب میں انسانی وسائل اور سماجی ترقی کی وزارت، ہیومن ریسورسز ڈویلپمنٹ فنڈ "ہدف”، کمیونیکیشن اینڈ انفارمیشن ٹیکنالوجی کمیشن اور فیوچر ورک کمپنی نے خود روزگار سپورٹ کے باضابطہ آغاز کا اعلان کیاہے۔ ایک بیان کے مطابق، سمارٹ فون ایپلی کیشنز کے ذریعے آرڈرز فراہم کرنے کی سرگرمی میں کارکنوں کے لیے ایک پروگرام تیار کیا گیا ہے۔ متعلقہ حکام کا یہ اعلان سامنے آیا ہے جس میں ڈیلیوری سروس میں کام کرنے والے سعودی مردوں اور خواتین کو ایپلی کیشنز کے ذریعے 3000 ریال تک کے فنڈ سے ماہانہ مدد فراہم کرنے کے لیے ایک نیا اقدام شروع کیا گیا ہے۔
یہ فلاحی اقدام جو وزارت کی جانب سے کئے گئے ہیں، اس کا مقصد قومی افرادی قوت کو اہل بنانا اور انہیں نجی شعبے میں ملازمت دینے میں معاونت کرنا ہے۔ایسے اقدام سے خود روزگار سمیت دیگر اقسام کے کاموں کی حوصلہ افزائی ہوتی ہے۔
حکام کا کہنا ہے کہ نوجوانوں کو معاونتی رقم دو سال تک دی جائے گی تاکہ اس دوران ہوم ڈیلیوری سروس سے منسلک سعودی لڑکیاں اور لڑکے اپنے قدموں پر کھڑے ہو سکیں۔
حدف نے تفصیلات بیان کرتے ہوئے کہا کہ پروگرام میں سپورٹ کنٹرولز کے کچھ تقاضے ہیں جو ذیل میں بتائے جا رہے ہیں۔ یہ کہ درخواست دہندہ سعودی شہری ہو، چاہے وہ مرد ہو یا عورت، اور یہ کہ وہ سیلف ایمپلائمنٹ پورٹل کے ذریعے ایک درست "فری لانس” دستاویز جاری کرے، اور یہ کہ وہ کم از کم 18 سال کی عمر اور 60 سال سے زیادہ نہیں ، چاہے وہ نجی یا سرکاری شعبے میں ہو۔
ڈیلیوری گاڑیوں کے ڈرائیور سیلف ایمپلائمنٹ پورٹل پر جا کر پروگرام کی سپورٹ سے فائدہ اٹھا سکتے ہیں، اور پھر "آرڈر کی فراہمی میں ہمارے ساتھ آپشن پر کلک کر کے رجسٹر کر سکتے ہیں، اس کے بعد اکاؤنٹ بنا کر درخواست دے سکتے ہیں۔
سیلف ایمپلائمنٹ دستاویز حاصل کرنے کے بعد، فائدہ اٹھانے والا Taqat پورٹل کے ذریعے درخواست کے طریقہ کار کو مکمل کر سکتا ہے۔
