دبئی میں عیدالاضحٰی کی قربانی کے لئے ایپلی کیشنز متعارف کر دی گئیں

کویت اردو نیوز 23 جون: عید الاضحٰی کو دنیا بھر میں خصوصی دعاؤں اور مسلمانوں کی قربانی کے ذریعہ منایا جاتا ہے۔حضرت ابراہیم کے ایمان کے امتحان کی یاد دلانے کے لیے عام طور پر ایک بکری، بھیڑ، گائے یا اونٹ کی قربانی کی جاتی ہے جبکہ

متحدہ عرب امارات کے مذبح خانوں نے عیدالاضحٰی کے مصروف دنوں کی تیاری کر دی ہے تاہم مذبح خانوں میں قربانی کی تاخیر سے بچنے کے لیے دبئی میونسپلٹی نے رہائشیوں پر زور دیا ہے کہ وہ ایپس کے ذریعے پیشگی بکنگ کریں۔ عید کے دوران مانگ کو پورا کرنے کے لیے اتھارٹی نے سات سمارٹ ایپلی کیشنز متعارف کرائی ہیں جن میں المواشی، ترکی، شباب الفریج، ظبایح الدار، الانود سلاٹرز، ظبایہ یو اے ای اور ٹینڈر میٹ شامل ہیں تاکہ رہائشیوں کو خدمات پیش کی جا سکیں۔ پیشہ ورانہ دبئی میونسپلٹی کی ہیلتھ اینڈ سیفٹی آفیسر ‘فاطمہ الحرمودی’نے کہا کہ

"ہم رہائشیوں سے درخواست کرتے ہیں کہ وہ جلد از جلد بیان کی گئی کسی ایک سمارٹ ایپلی کیشن کے ذریعے آرڈر دیں اور قربانی کے دن تک انتظار نہ کریں کیونکہ ہم اس سال بہت سی قربانیوں کی توقع کر رہے ہیں” کیونکہ امارات میں میونسپلٹی کے تحت ہی جانوروں کو ذبح کیا جاتا ہے۔

دبئی میونسپلٹی نے توثیق کی ہے کہ تمام احتیاطی تدابیر اختیار کی گئی ہیں اور عملے کی صحت کی باقاعدگی سے جانچ کی جاتی ہے۔ الحرمودی نے کہا کہ مذبح خانے شریعت کے مطابق مویشیوں کو ذبح کرنے کی خدمات پیش کرتے ہیں جو لوگوں کی صحت اور حفاظت کی ضمانت دیتے ہیں جیسا کہ وہ صاف اور صحت مند ماحول میں مویشیوں کو تیار اور ذبح کرتے ہیں۔ الحرمودی نے کہا کہ "یہ سہولیات ذبح کرنے سے پہلے اور بعد میں مویشیوں کا ویٹرنری معائنہ بھی کرتی ہیں تاکہ یہ یقینی بنایا جا سکے کہ وہ محفوظ اور انسانی استعمال کے لیے موزوں ہیں۔”