کویت اردو نیوز 27 اگست: باخبر ذرائع نے انکشاف کیا ہے کہ کویت کی وزارت صحت اور ہیلتھ ایشورنس ہاسپٹلز کمپنی (ضمان) کے درمیان ہونے والی میٹنگوں کے نتیجے میں کمپنی کے اس منصوبے کو تیز کرنے پر اتفاق ہوا کہ منصوبے کے مطابق وزارت صحت کی سہولیات صرف کویتی شہریوں کے لیے مختص کرنے کے لیے غیرملکیوں کو سرکاری کلینک اور ہسپتالوں کی بجائے اپنے صحت کے مراکز میں ان کا علاج شروع کرنے کے منصوبے کو تیز کرے گا۔
ذرائع نے اشارہ کیا کہ ضمان کے لیے ابتدائی معاہدہ کیا گیا تھا کہ وہ اگلے سال سے نجی شعبے میں تمام ورکرز کو حاصل کرنا شروع کر دے کیونکہ اس کی طبی سہولیات کے لیے اس کی تعمیرات اور سازوسامان کا منصوبہ آگے بڑھ رہا ہے اس بات کی نشاندہی کرتے ہوئے کہ وزارت صحت پہلے اقدامات میں صرف سرکاری شعبے میں کام کرنے والے تارکین وطن کو ہی سرکاری کلینک اور ہسپتالوں میں وصول کرے گی تاہم بعد میں انہیں بھی سرکاری اسپتالوں میں علاج سے روک دیا جائے گا اور ان کا ضمان کے اسپتالوں میں علاج کیا جائے گا۔
ذرائع نے بتایا کہ وزارت صحت نے عندیہ دیا کہ جابر ہسپتال صرف کویتی باشندوں کے لیے مخصوص ہے اور اس کا اطلاق نئے جہرہ ہسپتال پر بھی ہو گا جو کہ باضابطہ طور پر کھل چکا ہے، اسی طرح نئے فروانیہ ہسپتال جس کے پہلے آپریشنل مرحلے کا حال ہی میں افتتاح کیا گیا تھا جبکہ اس ریزرویشن کو امیری ہسپتال اور صباح ہسپتال کے بعد دیگر تمام ہسپتالوں میں نافذ کیا جائے گا۔
ذرائع نے اشارہ کیا کہ سرکاری ہسپتال سنگین بیماریوں میں مبتلا یا حادثات میں ملوث تارکین وطن کو وصول کر سکتے ہیں کیونکہ یہ فوری طبی معاملات ہیں جن میں تاخیر نہیں کی جا سکتی۔ انہوں نے کہا کہ تارکین وطن کے لیے ہیلتھ انشورنس پر تبادلہ خیال کیا جائے گا اور مناسب فیصلے کیے جائیں گے جس کے تحت کوئی رہائشی ضمان کے اسپتالوں یا دوسرے نجی اسپتالوں میں علاج کروانے کا انتخاب کرسکتا ہے بشرطیکہ یہ ان کا اقامہ حاصل کرنے یا تجدید کرنے کی شرائط کے اندر ہو۔
