کویت اردو نیوز 05 ستمبر: روڈ ٹول کلیکشن آپریٹر سالک دبئی کی سڑکوں پر بھیڑ کو کم کرنے کے لیے "متحرک قیمتوں کا تعین” متعارف کروا سکتا ہے جس کا اعلان آج بروز پیر کو کیا گیا ہے۔ سالک نے اپنے آئی پی او کے اعلان میں کہا کہ
"روڈز اینڈ ٹرانسپورٹ اتھارٹی (آر ٹی اے) مخصوص لین یا دن کے اوقاتِ کار کے لحاظ سے ٹول کی شرحوں کو بہتر بنانے کے ذریعے زیادہ ٹول فیس وصول کر کے متحرک قیمتوں کا تعین کر سکتی ہے”۔ سالک بورڈ آف ڈائریکٹر کے وائس چیئرمین عبدالمحسن کلابات نے کہا کہ ڈائنامک پرائسنگ ان ٹولز میں سے ایک ہے جسے سالک سسٹم کے لیے استعمال کیا جا سکتا ہے فی الحال ہم نے سالک کے لیے 4 درہم کی فیس مقرر کی ہے لیکن دنیا بھر میں دوسرے متحرک نظام موجود ہیں جو کم رش والے اوقات کے مقابلے زیادہ رش والے اوقات میں زیادہ فیس چارج کرتے ہیں اور اس طریقے کار کو "ڈائنامک پرائسنگ” کہا جاتا ہے۔
یہ نقل و حمل کے مطالعے پر مبنی ہے جو کہ آر ٹی اے اور سالک کے ذریعے امارات میں بغیر کسی رکاوٹ کے نقل و حمل کے مشترکہ مقصد کو حاصل کرنے کے لیے کیا جائے گا اور یہ سب دبئی کی ایگزیکٹو کونسل کی منظوری سے مشروط ہوگا۔
سالک کے سی ای او ابراہیم سلطان الحداد نے کہا کہ قیمتوں کا یہ نیا ڈھانچہ مستقبل میں آنے والی کسی بھی تبدیلی لچکدار ٹیرف یا ٹریفک کو منظم کرنے کے لیے گیٹس کی تعداد میں اضافہ کرنے سے متعلق ہے”۔ سالک کے چیئرمین متر الطائر نے کہا کہ گیٹس یا ٹیرف کی تعداد میں کوئی بھی اضافہ آر ٹی اے اور سالک کی جانب سے کیے گئے مطالعات پر مبنی ہوگا۔ ایگزیکٹو کونسل اس حوالے سے حتمی فیصلہ کرے گی۔
اس سال جون میں جاری کردہ ایک بیان میں، دبئی نے کہا تھا کہ موجودہ ٹول گیٹس کو دبئی کی ایگزیکٹو کونسل کے چیئرمین کے جاری کردہ حکم نامے کے تحت "ہٹایا یا تبدیل کیا جا سکتا ہے”۔ اس میں مزید کہا گیا ہے کہ "دبئی کی ایگزیکٹو کونسل کے چیئرمین کے جاری کردہ حکم نامے کے تحت نئے ٹول گیٹس کو بھی شامل کیا جا سکتا ہے”۔
سالک نے آج بروز پیر کو کہا کہ وہ ابتدائی عوامی پیشکش (آئی پی او) کے ذریعے 1.5 بلین حصص یا 20 فیصد حصص بیچ کر تقریباً 3.67 بلین درہم اکٹھا کرے گا۔
کمپنی نے اعلان کیا کہ یہ 29 ستمبر کے آس پاس دبئی فنانشل مارکیٹ (ڈی ایف ایم) میں لسٹ ہونے کا امکان ہے۔ خیال رہے کہ روڈز اینڈ ٹرانسپورٹ اتھارٹی نے سالک روڈ ٹول سسٹم کا آغاز 2007 میں کیا تھا۔ اس وقت آٹھ ٹول گیٹ اور تیس لاکھ رجسٹرڈ گاڑیاں ہیں جن میں سے 1.8 ملین دبئی میں رجسٹرڈ ہیں۔