کویت اردو نیوز 04 نومبر: کویت کے مقامی نجی خبر رساں ادارے روزنامہ الرای کی رپورٹ کے مطابق کویت میں کار کے ٹائروں کی مارکیٹ میں معیار، سائز اور تیاری کی جگہ کے لحاظ سے قیمتوں میں 5 سے 15 فیصد کے درمیان اضافہ دیکھا گیا۔
روزنامہ کی جانب سے ٹائر ڈسٹری بیوٹرز کا دورہ کیا گیا جس کے دوران انہوں نے قیمتوں میں اضافے کی وجوہات ربڑ اور تیل کی قیمتوں میں اضافے اور عالمی سطح پر توانائی کے ذرائع کو بتایا جس کے نتیجے میں ہر قسم کے ٹائروں کی قیمتیں، مینوفیکچرنگ میں مشکلات اور شپنگ کے اخراجات زیادہ ہونے کی وجہ سے قیمتوں میں اضافہ ہوا ہے۔
مختلف سائز اور اقسام کے ٹائروں کی دستیابی پر روشنی ڈالتے ہوئے، انہوں نے کہا کہ صارفین کے پاس بہت سی آپشن موجود ہیں کیونکہ مختلف ممالک امریکہ، چین، جاپان، ملائیشیا، بھارت اور کوریا ٹائر تیار کرتے ہیں۔ جن ممالک میں خام مال دستیاب ہے وہ متعدد ہیں جن میں ملائیشیا، جنوبی افریقہ اور انڈونیشیا شامل ہیں۔
انہوں نے اس بات پر زور دیا کہ قیمتوں میں اضافہ نہ صرف مقامی طور پر بلکہ عالمی سطح پر بھی ہے کیونکہ پے در پے بحرانوں کے پیش نظر جن سے دنیا اب بھی گزر رہی ہے کے نتیجے میں سپلائی چین اور توانائی کی قیمتیں متاثر ہوئی ہیں نیز کوویڈ19 وبائی مرض کے بعد ٹائروں کی مانگ میں واپسی نے طلب اور رسد کی شرحوں کے درمیان عدم توازن پیدا کیا۔
بین الاقوامی کمپنیوں جیسا کہ تھائی لینڈ کی سری ٹرانگ ایگرو انڈسٹری، جو دنیا کی سب سے بڑی ربڑ پیدا کرنے والی کمپنی ہے، نے کورونا بحران کے بعد بحالی اور ربڑ کی بڑھتی ہوئی مانگ کی وجہ سے کار کے ٹائروں کی قیمتوں میں اضافے کی توقع ظاہر کی تھی۔
ان کمپنیوں نے بتایا کہ دنیا کے کئی ممالک میں وبائی امراض کی شدت میں کمی کے بعد کاروں کی فروخت کی بحالی اور سفر کی نقل و حرکت کے نتیجے میں کار کے ٹائروں کی زیادہ مانگ نے ربڑ کی مانگ میں اضافہ کیا کیونکہ 80 فیصد اس کی پیداوار کار کے ٹائروں کی تیاری میں استعمال ہوتی ہے۔ بین الاقوامی ٹائر کمپنیاں، جن کی قیادت فرانسیسی ٹائر بنانے والی کمپنی میکلین کر رہی ہے کو توقع ہے کہ 2022 کا منافع کوویڈ19 وبائی مرض سے پہلے کی سطح سے تجاوز کر جائے گا، جس کی حمایت پیداوار اور قیمتوں میں اضافے سے ہے۔
ٹائر ان اہم حصوں میں سے ایک ہیں جن پر خاص طور پر کویت میں سردیوں اور گرمیوں کے موسموں میں توجہ دی جانی چاہیے کیونکہ انتہائی درجہ حرارت اور مخصوص رفتار کے لیے خاص اقسام کے ٹائر استعمال کرنے کی ضرورت ہوتی ہے جو موسم اور گاڑی کی رفتار کو برداشت کرنے کی صلاحیت رکھتے ہیں۔
