کویت اردو نیوز 25دسمبر: امارات میں دکانیں توڑ کر الیکٹرانک سامان اور نقدی کے علاوہ دیگر اشیاء چرانے والے پانچ پاکستانی باشندوں کے گروہ کو گرفتار کر لیا گیا ہے۔
شارجہ پولیس کے سی آئی ڈی کے ڈپٹی ڈائریکٹر کرنل فیصل بن نصر نے بتایا کہ دوران تفتیش گینگ کے ارکان نے اعتراف کیا ان کی رہائش گاہ سے برآمد ہونے والی چوری کی اشیاء میں موبائل فون، رقم، گھڑیاں، کمپیوٹر اور دیگر الیکٹرانک اشیاء شامل ہیں۔
کرنل فیصل کے مطابق تفتیش سے معلوم ہوا ہے کہ ملزمان امارات میں چوری کی متعدد وارداتوں میں ملوث ہیں، متعدد رپورٹس درج ہونے کے بعد سی آئی ڈی کی ٹیم تشکیل دی گئی جو گینگ کا سراغ لگانے اور ارکان کی گرفتاری میں کامیاب ہو گئی۔
انہوں نے کہا کہ مشتبہ افراد کو مزید قانونی طریقہ کار کے لیے پبلک پراسیکیوشن میں منتقل کر دیا جائے گا۔ انہوں نے کاروبار کے مالکان پر زور دیا کہ وہ اپنی دکانوں میں اعلیٰ معیار کا کیمرہ سسٹم لگا کر، دروازوں کو محفوظ بنا کر، سٹور کے اندر بڑی رقم نہ چھوڑیں اور احتیاطی تدابیر کو بہتر بنائیں، اور قیمتی سامان کو محفوظ جگہوں پر رکھیں۔
شارجہ پولیس کے کمانڈر انچیف میجر جنرل سیف الزاری الشمسی نے جرائم کا مقابلہ کرنے اور سیکورٹی اور حفاظت کو بڑھانے میں سی آئی ڈی کی کوششوں کی تعریف کی۔