کویت اردو نیوز : سعودی عرب کے فرمانروا شاہ سلمان بن عبدالعزیز نے 10 بار خون کا عطیہ دینے والے 120 افراد کو تیسرے درجے کا ‘میڈل آف میرٹ’ دینے کی منظوری دے دی ہے۔
سرکاری خبر رساں ایجنسی ایس پی اے کے مطابق ایوانی شاہی نے 120 افراد کی فہرست بھی جاری کی ہے جنہیں شاہی اعزاز سے نوازا جائے گا۔
سلطنت کے آغاز سے ہی خون کا عطیہ دینے والوں کی حوصلہ افزائی کرنے کی روایت رہی ہے۔ اس سلسلے میں خون کا عطیہ دینے والوں کا ریکارڈ وزارت صحت کے بلڈ بینک میں رکھا جاتا ہے۔
مملکت کے مختلف شہروں میں قائم بلڈ بینکوں میں عطیہ کیے جانے والے خون کو جدید طریقے سے ذخیرہ کیا جاتا ہے اور ضرورت پڑنے پر مریضوں کو فراہم کیا جاتا ہے۔
اس سے قبل بھی خادم حرمین شریفین شاہ سلمان بن عبدالعزیزنے 10 مرتبہ خون کاعطیہ دینےوالے 21 غیرملکیوں کو شاہی تمغے دینے کی منظوری دی تھی۔ خون عطیہ کرنے والوں میں کئی ممالک کے غیرملکی بھی شامل ہیں۔
مملکت کے تمام شہروں میں قائم بلڈ بینکوں کےعلاوہ موبائل یونٹس بھی خصوصی مہم کےتحت مختلف مقامات پربھیجےجاتےہیں جہاں لوگ آکر اپناخون عطیہ کرتےہیں۔
