پشاور کے 12 سالہ حافظ محمد مزمل سعید نے انوکھا اعزاز حاصل کرلیا

کویت اردو نیوز، 24 اپریل: پشاور کے معروف سماجی کارکن پیر افتخار کے 12 سالہ بیٹے حافظ محمد مزمل سعید نے رمضان المبارک میں انوکھا اعزاز حاصل کرلیا۔

حافظ محمد مزمل نے اس بار پشاور کے علاقہ اندرون کوہاٹی گیٹ میں واقع مسجد حنیفہ میں یکم رمضان المبارک سے 30 رمضان المبارک تک نماز تراویح کی امامت کا شرف حاصل کیا۔

اس موقع پر حافظ محمد مزمل سعید نے کہا کہ وہ پاک رب کے حضور شکر گزار ہے کہ اللہ تعالی نے اس کو اس عمر میں نماز تراویح کی امامت کا شرف بخشا اور اپنے والدین کا بھی شکر ادا کیا کہ انہوں نے اس کی اچھے طریقے سے پروش کی۔

انہوں نے مزید کہا کہ میں نے ہر نماز تراویح کے بعد امت مسلمہ اور پاکستان کی سلامتی کیلئے خصوصی دعا کی۔