کویت اردو نیوز، 16مئی: متحدہ عرب امارات میں مشتبہ افراد کے ایک گروپ کو اپنے رہائشی اپارٹمنٹ میں منشیات کے پودے اگانے کے بعد گرفتار کر لیا گیا ہے۔ شارجہ پبلک پراسیکیوشن نے واقعے کی تحقیقات شروع کر دی ہیں۔
ایشیائی مشتبہ افراد پر منشیات اسمگلنگ کی نیت سے کاشت کرنے کا الزام عائد کیا گیا ہے۔ استغاثہ نے منشیات کی اصل نوعیت کا انکشاف نہیں کیا لیکن ایک تصویر جاری کی جس میں چرس کے پودے دکھائے گئے تھے۔
اتھارٹی کے مطابق، ایک رہائشی عمارت میں ایئر کنڈیشن یونٹس کی دیکھ بھال کا کام کر رہا تھا، جب اس نے کچھ ایسے پودے دیکھے جن کے بارے میں اسے شبہ تھا کہ وہ منشیات والے ہیں تو اس نے فوراً پولیس کو اطلاع دی۔
پولیس کی ایک ٹیم نے اپارٹمنٹ پر چھاپہ مارا اور انکو چھ پودوں کے ساتھ ایک "مکمل طور پر لیس ٹینٹ نرسری” ملی۔ ٹیم نے منشیات کی کاشت میں استعمال ہونے والے اوزار بھی قبضے میں لے لیے۔
تحقیقات سے پتہ چلتا ہے کہ مشتبہ افراد نے اپارٹمنٹ کو مکمل طور پر اس مقصد کے لیے تیار کیا تھا۔
پبلک پراسیکیوشن نے ایک قانون کا حوالہ دیا جو منشیات کے پودوں کی کاشت پر پابندی لگاتا ہے، اسمگلنگ کی زیادہ سے زیادہ سزا موت کی ہے۔