عمان میں ٹیکسی ڈرائیوروں نے نئے لاگو کرایہ سسٹم پر انگلیاں اٹھالیں

کویت اردو نیوز، 2جون: یکم جون سے، تمام اورنج اور وائٹ ٹیکسی ڈرائیورز اپنے کلائنٹس یا مسافروں سے ابر ڈیجیٹل یا موبائل فئیر میٹر کے حساب سے کرائے وصول کریں گے۔

ایک سرکاری بیان میں کہا گیا ہے کہ، "وزارت ٹرانسپورٹ، مواصلات اور انفارمیشن ٹیکنالوجی 26 دسمبر 2018 کو جاری کردہ وزارتی قرارداد نمبر 195/2018 کی دفعات کے مطابق ملک میں ٹیکسیوں کو ریگولیٹ کرنے کی کوشش کرتی ہے۔

ابر ڈیجیٹل میٹر صرف اسٹریٹ ٹیکسیوں میں استعمال کیا جائے گا، جبکہ آن ڈیمانڈ سروسز وزارت کے ضوابط کے مطابق پہلے سے طے شدہ کرایوں کے مطابق کام کریں گی۔

ایک ٹیکسی آپریٹر، محمد نے کہا، "ہمارے پاس قانون کے مطابق اس موبائل پر مبنی میٹر کو استعمال کرنے کے علاوہ کوئی آپشن نہیں ہے، لیکن تنازعہ کی بات یہ ہے کہ کیا ہمارے کچھ کم اجرت والے مسافر یہ نئے فئیر سٹرکچر کیمطابق رقم ادا کر سکیں گے۔

ایک اور ٹیکسی آپریٹر خالد نے کہا کہ، "اس اصول کا بہت کم اثر پڑے گا، سوائے کچھ تارکین وطن کارکنوں کے جو مشترکہ بنیادوں پر سفر کرنے کو ترجیح دیتے ہیں۔ زیادہ تر، ٹیکسی استعمال کرنے والے اب آن ڈیمانڈ سروسز پر انحصار کرتے ہیں، جو کہ اب مسابقتی بن گئی ہیں کیونکہ مارکیٹ میں اس وقت آٹھ آپریٹرز ہیں۔

کرایوں کے حوالے سے، ٹرپ کے آغاز میں میٹر پر 300 بیس کا ابتدائی کرایہ مقرر کیا جائے گا، 130 بیسوں کو کرائے میں شامل کیا جائے گا۔

ہر 1 کلومیٹر کے بعد، جب کہ مفت پانچ منٹ کے انتظار کے بعد 50 بیس کا اضافہ انتظار کی مدت کے طور پر کیا جائے گا۔

ایک ڈرائیور سفر کے آغاز میں میٹر استعمال کرنے کا پابند ہے ورنہ دوسری صورت میں، پورے سفر کو مفت سمجھا جائے گا، جبکہ ایک سے زیادہ مسافروں کی صورت میں، کرایہ ان کے درمیان برابر تقسیم کیا جائے گا۔

اگرچہ تمام ٹیکسیوں کو کرایہ میٹر کے مطابق چلانے کا فیصلہ ماضی میں متعدد بار لاگو کیا جا چکا ہے، لیکن یہ ان ڈرائیوروں کی مزاحمت کی وجہ سے ناکام ہو گیا جنہوں نے اس طرح کے میٹروں کی تنصیب میں اعلیٰ لاگت اور اس کے علاوہ دیکھ بھال کے باقاعدہ اخراجات بھی پر سوال اٹھایا۔

وزارت کے ذرائع نے کہا، "نیا ایپ پر مبنی میٹر ان مسائل کو حل کرے گا، اور ہم صارفین سے بھی تعاون کی توقع رکھتے ہیں، کہ وہ اس بات کو یقینی بنائیں کہ ڈرائیور ضوابط کے مطابق کام کریں اور کسی بھی خلاف ورزی کی اطلاع دیں۔”

ناصر، ایک شہری اور کبھی کبھار ٹیکسی میں سفر کرنے والے شخص، نے کہا، "ہمیں امید ہے کہ یہ اصول سروس کے معیار کو بہتر بنانے اور مسافروں اور ڈرائیوروں دونوں کے اطمینان کو حاصل کرنے میں معاون ثابت ہوگا۔ ہمیں امید ہے کہ یہ قدم ملک میں پبلک ٹرانسپورٹ سیکٹر میں بہتری اور اختراعات کا آغاز ہوگا۔

وزارت کے ایک سورس نے کہا: ”آنے والے دنوں میں کچھ خرابیاں متوقع ہیں، لیکن اس بار ہم اس بات کو یقینی بنائیں گے کہ اس فیصلے پر پوری طرح عمل درآمد ہو۔

عمان کو مقامی آبادی اور زائرین دونوں کے لیے ایک خوش آئند مقام کے طور پر فروغ دینا ضروری ہے۔”