کویت اردو نیوز،8جون: یہ تصویر ایران کے شہر زنجان کے ایک دکان دار کی ہے۔ ایک دن اس کے پاس کوئی شخص سائیکل امانت چھوڑ کے چلا گیا اور پھر واپس ہی نہ آیا۔
یہ بندہ ہر روز اس سائیکل کو اپنی دکان کے باہر رکھتا، تاکہ اگر مالک دیکھے تو واپس لینے آجائے۔
مذکورہ دکاندار 45 سال تک سائیکل کے مالک کے انتظار میں ہر دن سائیکل کو باہر نکالتا اور شام کو اندر رکھتا، آخر کار دکاندار وفات پا گیا لیکن سائیکل کا مالک واپس نہ آیا۔
اس کے مرنے کے بعد حکومت نے اس امین کا مجسمہ ساتھ میں سائیکل کی تصویر بناکر چوراہے پر نصب کردیا تاکہ یہ عہد وفا اور ادا امانت کی مثال بنی رہے۔
ہمیں بھی چاہئے کہ اس طرح کے مثبت کاموں کو بڑھ چڑھ کے پھیلائیں اور اس گھٹن زدہ معاشرے میں اس طرح وفاداری و امانت داری کو پروان چڑھائیں کیونکہ اس جیسے کارنامے ہی معاشرے کو مردہ ہونے سے محفوظ رکھتے ہیں۔
