پی آئی اے نے بھی عید الاضحیٰ کے موقع پر کرایوں میں کمی کا اعلان کردیا

کویت اردو نیوز،23جون: پاکستان انٹرنیشنل ایئرلائنز (پی آئی اے) نے عید الاضحیٰ کے موقع پر اندرونِ ملک پروازوں کے کرایوں میں کمی کا اعلان کردیا ہے۔

تفصیلات کے مطابق پی آئی اے کی تمام اندرونِ ملک پروازوں پر مسافروں کو 10 فیصد رعایت حاصل ہوگی۔

یہ رعایت عید الاضحیٰ کی چھٹیوں کے دوران یکم جولائی تک نافذ العمل ہوگی۔

ترجمان پی آئی کا کہنا تھا کہ یہ رعایت 30 جون اور یکم جولائی کو نافذ العمل ہوگی جس سے اندرون ملک سفر کرنے والے مسافر رعایتی ٹکٹ فوری طور پر جاری کراسکتے ہیں۔

رویت ہلال کمیٹی کے مطابق پاکستان میں عید الاضحیٰ 29 جون بروز جمعرات کو منائی جائے گی۔

حکومت پاکستان نے عید الاضحیٰ پر 3 سرکاری چھٹیوں کا اعلان کیا ہے۔ نوٹیفیکیشن کے مطابق 29 جون سے لے کر یکم جولائی تک تعطیلات ہوں گی۔