کویت اردو نیوز ، 29 ستمبر 2023 : عمرہ کےنام پر بھکاریوں کا ایک گروہ سعودی عرب روانگی سے قبل ہی گرفتار کرلیا گیا ہے ، اس گروہ میں بوڑھے،بچے اورخواتین بھی شامل ہیں۔
ایف آئی اے امیگریشن ( پاکستان)نے ایک کارروائی میں عمرہ کے نام پر سعودی عرب جانے کی کوشش کرنےوالا بھکاریوں کا بڑا گروہ گرفتار کرلیا گیا ہے ۔ ڈائریکٹر ایف آئی اے خالد انیس کا کہنا ہے کہ بھکاریوں کےگروہ میں بچے و خواتین بھی شامل ہیں ۔
ایف آئی اے امیگریشن کو تحقیقات سے معلوم ہوا ہے کہ نورو نامی ایجنٹ ان کو سعودی عرب لے کر جاتا ہے اور وہاں ان سے بھیک منگواتا ہے۔ گرفتار افراد میں 4 مرد ، 8 خواتین اور4 بچے شامل ہیں ، بھکاریوں کےگروہ کا تعلق کسووال سے ہے۔
ملتان ایئرپورٹ پرایف آئی اےامیگریشن کی کارروائی کےبعد گرفتار کئے جانے والے افراد سے مزید تفتیش کی جا رہی ہے
