کویت اردو نیوز،10جولائی: سعودی سماجی کفالت کے سرکاری ادارے کا کہنا ہے کہ ان کے ہاں 40 لاکھ سے زیادہ رجسٹرڈ غیرملکیوں کی تنخواہیں 1500 سعودی ریال سے کم ہیں۔
سرکاری ادارے کے مطابق ان کے یہاں رجسٹرڈ 52 فیصد سعودی ملازمین کی کم از کم تنخواہ پانچ ہزار ریال ہے۔
سرکاری ادارے نے اپنی رپورٹ میں بتایا ہے کہ 2.6 ملین سعودی سماجی کفالت کے ادارے میں رجسٹرڈ ہیں ان میں سے 13 لاکھ ایسے ہیں جن کی تنخواہ پانچ ہزار ریال سے کم ہے۔
اسی طرح 5 لاکھ 94 ہزار 700 شہری ایسے ہیں جن کی تنخواہ دس ہزار ریال یا اس سے زیادہ ہے اور یہ ادارے میں رجسٹرڈ کل افراد کا 22.8 فیصد ہیں۔
سعودی سماجی کفالت کے ادارے کیمطابق اس کے رجسٹرڈ ملازمین کی کل تعداد 10.4 ملین ہے جن میں سے 5 لاکھ 9 ہزار سرکاری اداروں اور 9.9 ملین پرائیویٹ کمپنیوں و اداروں میں کام کر رہے ہیں۔
ادارے میں رجسٹرڈ غیرملکیوں کی تعداد 7.8 ملین ہے، ان میں 40 لاکھ سے زیادہ ایسے ہیں جن کی تنخواہیں 1500 ریال سے کم ہیں۔
اسی طرح 2.5 ملین ایسے افراد ہیں جن کی تنخواہیں 1500 سے 3 ہزار ریال کے درمیان ہیں اور 1.16 ملین ایسے غیرملکی ہیں جن کی تنخواہیں تین ہزار ریال سے زیادہ ہیں
